Tafha t-Tweġiba?
(It-tweġibiet għal dan il-kwizz jistgħu jinstabu fil-versi ċitati mill-Bibbja, u l-lista sħiħa taʼ tweġibiet hija stampata f’paġna 22. Għal iktar tagħrif, irreferi għall-pubblikazzjoni “Insight on the Scriptures,” pubblikata mix-Xhieda taʼ Jehovah.)
1. Skond Pietru, liema affarijiet “jitqabdu kontra r-ruħ”? 1 Pietru 2:11)
2. Is-Sultan Nabukodonosor x’irrikonoxxa dwar Jehovah wara li ġie lura f’sensih? (Danjel 4:31, 32 [4:34, 35, NW])
3. Għal liema raġuni Ġesù ma “ħalla lil ħadd mgħobbi b’xi ħaġa jaqsam mit-tempju”? (Mark 11:16)
4. Is-Sultan Sanħerib taʼ l-Assirja liema mħatra għamillu lis-Sultan Ħeżekija taʼ Ġuda? (2 Slaten 18:23)
5. Ġesù x’inkuraġġixxa li jsir minflok il-ħalf bl-addoċċ? (Mattew 5:37)
6. Skond il-Liġi Mosajka, x’kellu jsir, saħansitra lil qarib viċin, jekk dan jgħawwi lil xi ħadd biex jaqdi allat oħra? (Dewteronomju 13:7-11 [13:6-10, NW])
7. Skond il-wegħda li Jehovah għamel lil Abraham, kemm kellhom jinstabu nies ġusti biex il-bliet taʼ Sodoma u Gomorra ma jinqerdux? (Ġenesi 18:32)
8. Kif miet is-Sultan Sawl? (1 Samwel 31:3, 4)
9. Għużża għala ġie maqtul meta pprova jżomm l-Arka milli taqaʼ? (Numri 4:15, 19, 20; 2 Samwel 6:6, 7)
10. Liema belt Maċedonjana ġiet imsemmija għall-alla xemx tal-Griegi? (Atti 17:1)
11. Liema espressjoni Biblika tindika direzzjoni mil-lvant? (Apokalissi 16:12, Saydon)
12. Is-sultan David għal kemm-il sena saltan fuq Iżrael?
13. Fejn kien qiegħed jistrieħ Ġesù meta tkellem mal-mara Samaritana? (Ġwann 4:6)
14. Għala huwa neċessarju li ‘taħrab it-tpaċpiċ fieragħ u ħażin [‘li jħassar dak li hu qaddis,’ NW]’? (2 Timotju 2:16)
15. X’kien jisimhom it-tlett itfal taʼ Noè? (Ġenesi 10:1)
16. Evidentement, mill-Gadin taʼ ħila kbira li “marru għal maʼ David” fid-deżert, liema mill-11 intqal li “kien jiswa daqs elf”? (1 Kronaki 12:8-14, Karm Żammit)
17. Liema kumment taʼ mogħdrija għamel Ġesù meta d-dixxipli tiegħu ddiżappuntawh billi raqdu fil-lejla li ġie tradut? (Mark 14:38)
18. Ġesù minn liema linja taʼ sultan Iżraeli ġie? (Rumani 1:3)
19. Liema erbaʼ nisa huma msemmijin b’mod speċifiku bħala li marru fuq il-qabar taʼ Ġesù biex jidilkuh bil-fwejjaħ? (Mark 16:1; Luqa 24:10)
It-Tweġibiet għall-Kwizz f’paġna 22
1. “Ix-xewqat tal-ġisem”
2. Li setegħtu hi setgħa “għal dejjem,” u ħadd ma jistaʼ jżommu milli jwettaq l-iskop tiegħu
3. Għax kienu qed jużaw il-bitħa tat-tempju biex iqassru t-triq għal partijiet oħra tal-belt
4. Li jagħtih 2,000 żiemel jekk kien kapaċi jsib rikkieba għal fuqhom
5. “Ħa jkun id-diskors tagħkom, ‘Iva, iva’, ‘Le, le’”
6. Kellu jiġi maqtul
7. Għaxra
8. Wara li ġie midrub diversi drabi bil-vleġeġ tal-Filistin, hu qatel lilu nnifsu billi nxteħet fuq ix-xabla tiegħu stess
9. Il-kmand t’Alla kien li fl-ebda ċirkustanza ma kellha tintmess l-Arka minn persuna mhux awtorizzata
10. Apollonja
11. “In-naħa taʼ tlugħ ix-xemx”
12. 40
13. Ħdejn il-bir taʼ Ġakobb
14. “Huma se jibqgħu sejrin mill-ħażin għall-agħar”
15. Sem, Ħam, u Ġafet
16. Għeser
17. “L-ispirtu, iva, irid; imma l-ġisem dgħajjef”
18. David
19. Marija taʼ Magdala, Salomi, Ġwanna u Marija omm Ġakbu