Tafha t-​Tweġiba?

(It-tweġibiet għal dan il-​kwizz jistgħu jinstabu fil-​versi ċitati mill-​Bibbja, u l-​lista sħiħa taʼ tweġibiet hija stampata f’paġna 27. Għal iktar tagħrif, irreferi għall-​pubblikazzjoni “Insight on the Scriptures,” pubblikata mix-​Xhieda taʼ Jehovah.)

1. Fil-​ħolma tas-​Sultan Nabukodonosor, l-​anġlu x’qal li kellu jingħata lis-​siġra enormi li ġiet imqaċċta, u dan x’kien ifisser? (Danjel 4:13 [4:​16, NW])

2. Sansun x’tahom lill-​Filistin waqt il-​festa tat-​tieġ tiegħu, li iktar tard ipprovdietlu l-​opportunità li joqtol 30 Filisti f’Askalon? (Mħallfin 14:​12-19)

3. Minħabba liġi li ma setgħetx tinbidel, liema ħakkiem taʼ Babilonja ġie mġiegħel jitfaʼ lil Danjel fil-​ħofra taʼ l-​iljuni? (Danjel 6:10 [6:​9, NW])

4. Is-​Sultan Assweru kemm-il uffiċjal tal-​palazz bagħat biex iġib lis-​Sultana Vasti quddiemu sabiex ikun jistaʼ juri ġmielha? (Ester 1:10)

5. Skond Ġakbu, liema żewġ affarijiet jixtieq Alla f’“reliġjon safja u bla tebgħa”? (Ġakbu 1:​27, KŻ)

6. Jekk ilsir Ebrew ma kienx irid jiġi meħlus minn sidu, sidu x’kien mitlub jagħmel? (Eżodu 21:6)

7. Liema żewġ ulied subien taʼ Elijab mit-​tribù taʼ Ruben appoġġaw lil Koraħ fl-​irvell tiegħu kontra Mosè u Aron? (Numri 16:​1-3)

8. L-​Iżraelin liema ħaġa li kienet tħassar il-​ġilda tagħhom ma setgħux jagħmlu? (Levitiku 19:28)

9. Min kienet omm is-​Sultan Ħeżekija? (2 Slaten 18:2; 2 Kronaki 29:1)

10. Skond Salamun, x’għandha ‘kull ħaġa taħt is-​semaʼ? (Koħèlet 3:1)

11. Jehovah xi kkmandah jagħmel lil Ġeremija meta s-​Sultan Ġeħojakim ħaraq ir-​romblu wara li semaʼ d-​denunzji li kien fih? (Ġeremija 36:​27-32)

12. Min kien magħruf kemm bħala qassis u kemm bħala skriba? (Neħemija 8:9)

13. Ulied Ġakobb għala rrifjutaw it-​talba taʼ missierhom biex imorru lura l-​Eġittu ħalli jixtru iktar ikel fi żmien il-​ġuħ? (Ġenesi 43:​1-5)

14. Adam b’liema mod kien magħmul fix-​“xbieha taʼ Alla”? (Ġenesi 5:1)

15. Ġesù liema ħaxixa li tfuħ ħafna semma meta rrefera għall-​mod skrupluż li bih ħallsu d-​dieċmi l-​Fariżej li injoraw “dak li hu l-​aqwa fil-​Liġi”? (Mattew 23:23)

16. Ġeremija kif ittestja l-​ubbidjenza tar-​Rekabin? (Ġeremija 35:​3-6)

17. L-​għaxar aħwa taʼ Ġużeppi kif irnexxielhom jidħqu b’Ġakobb billi ġagħluh jemmen li Ġużeppi ġie maqtul minn bhima salvaġġa? (Ġenesi 37:​31-33)

18. Minkejja li x’uħud setgħu kienu akbar minnu, min hu l-​iktar ġgant famuż imsemmi fil-​Bibbja? (1 Samwel 17:4)

19. Mosè fuq liema muntanja miet wara li ra l-​Art Imwiegħda? (Dewteronomju 32:​49, 50)

20. It-​tabernaklu u t-​tempji li nbnew iktar tard, lejn liema naħa kienu jħarsu? (Numri 3:38)

Tweġibiet għall-​Kwizz f’paġna 27

1. “Qalb taʼ bhima.” Li Nabukodonosor kellu jiġġennen u jaġixxi qisu bhima

2. Ħaġa moħġaġa

3. Dariju

4. Sebgħa

5. “Iżżur l-​iltiema u r-​romol fil-​hemm tagħhom, u li żżomm lilek innifsek bla tebgħa mid-​dinja”

6. Iġibu ħdejn il-​bieb jew mal-​ġenb tal-​bieb u “jtaqqablu widintu b’xifa”

7. Datan u Abiram

8. Tatù

9. Abija, jew Abi fil-​qasir

10. ‘Għandha żmienha’

11. Biex jikteb wieħed ġdid u saħansitra itwal

12. Esdra

13. Dak li kien jikkmanda fl-​Eġittu kien qalilhom li ma kellhomx jerġgħu lura jekk ma jkollhomx magħhom lil ħuhom iż-​żgħir, Benjamin

14. Hu kellu fakultajiet mentali u abbiltajiet li kienu ferm superjuri għal dawk tal-​ħlejjaq l-​oħra kollha, bħal ngħidu aħna, l-​attributi divini u sens taʼ moralità

15. Nagħniegħ

16. Hu poġġa l-​inbid quddiemhom u qalilhom biex jixorbuh u dan kien kontra l-​kmand li ngħata lil missirijiethom

17. Huma ċappsu l-​libsa twila taʼ Ġużeppi bid-​demm taʼ gidi u ħaduha għand Ġakobb

18. Gulija

19. Nebu

20. Lvant