Parir Għaqli għaż-​Żgħażagħ

Waqt li kien qed joffri r-​rivisti ħdejn qorti f’Kalifornja, l-​Istati Uniti, Bill, wieħed mix-​Xhieda taʼ Jehovah, ġie avviċinat minn raġel li talbu jara r-​rivisti kollha taʼ Stenbaħ! li Bill kellu miegħu. Bill jirrakkonta: “Ftit qabel xi pubblikaturi fil-​kongregazzjoni kienu tawni xi rivisti qodma, allura stajt nurih varjetà kbira minnhom.

“Ir-​raġel malajr għażel mir-​rivisti u ġabar dawk li kien għadu ma qarax. Hu staqsa jekk setax jieħu r-​rivisti kollha li kien għażel. Introduċa lilu nnifsu bħala ħaddiem tat-​tribunal tal-​kontea u qal li kien jieħu ħsieb xi żgħażagħ bi problemi billi jagħtihom il-​pariri. Hu spjega li kien jieħu Stenbaħ! biex b’hekk setaʼ jagħmel kopja taʼ l-​artikli ‘Iż-​Żgħażagħ Jistaqsu.’ Imbagħad kien jagħmel l-​artikli skond is-​suġġett tagħhom u jpoġġihom ġo fajl. Kien iħallihom disponibbli biex iqassamhom liż-​żgħażagħ li kien jgħin permezz tal-​pariri li kien jagħtihom. Ir-​raġel qal: ‘Is-​suġġetti li fihom jinkludu problemi komuni li qed inikktu liż-​żgħażagħ illum.’ Hu faħħar lix-​Xhieda taʼ Jehovah għall-​informazzjoni tant utli li jippubblikaw biex jgħinu liż-​żgħażagħ. Hu żied jgħid li kien se jkun qiegħed ifittixni fil-​ġimgħat taʼ wara ħalli jieħu xi rivisti ġodda taʼ Stenbaħ! li setaʼ jkolli.”

Ħafna mill-​informazzjoni pubblikata fis-​serje “Iż-​Żgħażagħ Jistaqsu” tidher fil-​ktieb Iż-​Żgħażagħ Jistaqsu​—Tweġibiet Prattiċi għall-​Mistoqsijiet Tagħhom. Int tistaʼ tikseb kopja taʼ dan il-​ktieb taʼ 320 paġna, billi timla l-​kupun t’hawnhekk u tibagħtu fl-​indirizz provdut mal-​kupun jew fl-​indirizz addattat imniżżel f’paġna 5 taʼ din ir-​rivista.

□ Nixtieq nirċievi kopja tal-​ktieb Iż-​Żgħażagħ Jistaqsu​—Tweġibiet Prattiċi għall-​Mistoqsijiet Tagħhom.

□ Jekk jogħġobkom ikkuntattjawni rigward studju tal-​Bibbja fid-​dar bla ħlas.