Meta jmut xi tifel

◼ Il-​mewt taʼ tifel jew tifla hija trawmatika għal dawk li jibqgħu ħajjin, speċjalment għall-​ġenituri. Omm li binha taʼ 16-il sena miet bil-​ħruq f’inċident traġiku qalet imnikkta: “Alla ma jħalliniex immutu minflok it-​tfal tagħna, lanqas ma jħallina mmutu magħhom.”

Madankollu, ma kinitx bla tama, bħalma spjegat hi stess: “Alla wriena l-​verità dwar il-​mewt, u din iżżomm lili u lil żewġi milli nimtlew bl-​imrar jew niġġennu.” Hi rrikonoxxiet li “ma kienx Alla tagħna li għamel hekk lit-​tifel tagħna, u l-​iskop Tiegħu hu li jirxoxta lill-​mejtin f’ġenna taʼ l-​art. F’moħħna nistgħu naraw lit-​tifel tagħna ħaj, f’saħħtu u ferħan, fost il-​ħbieb u l-​familja tiegħu.”

Xorta waħda, anki dawk b’tama soda fil-​wegħda t’Alla taʼ l-​irxoxt għandhom bżonn il-​faraġ li din l-​omm aċċettat bil-​gratitudni mingħand ħafna ħbieb. Hi qalet: “Ħafna mill-​ħsibijiet Skritturali u atti taʼ qalb tajba li ntwerejna ġew mill-​browxer Meta Xi Ħadd Li Tħobb Imut. Aħna ħeġġiġna lil kulmin kien magħna biex jaqrah sabiex ikun jistaʼ jifhimna aħjar, kif ukoll jifhem in-​niket li se nkomplu nħossu.”

Forsi int jew xi ħadd li taf jistaʼ wkoll jikseb faraġ billi jaqra l-​browxer Meta Xi Ħadd Li Tħobb Imut. Tistaʼ tibgħat għal kopja billi timla l-​kupun t’hawnhekk u tibagħtu fl-​indirizz muri fuq il-​kupun jew f’indirizz adattat imniżżel f’paġna 5 taʼ din ir-​rivista.CT100

□ Mingħajr ebda obbligu, nixtieqkom tibagħtuli kopja tal-​browxer Meta Xi Ħadd Li Tħobb Imut.

□ Jekk jogħġobkom ikkuntattjawni rigward studju tal-​Bibbja fid-​dar bla ħlas.