“Ibqaʼ Qrib taʼ Ġeħova!”

Konvenzjoni Distrettwali tax-​Xhieda taʼ Ġeħova

● Eluf minn dawn il-​konvenzjonijiet taʼ tlett ijiem, li għandhom jibdew fl-​Istati Uniti fi tmiem il-​ġimgħa taʼ bejn il-​21 u t-​23 taʼ Mejju, se jsiru wkoll madwar id-​dinja fix-​xhur taʼ wara. Fl-​Istati Uniti, is-​sessjonijiet se jibdew kuljum fid-​9:20 taʼ filgħodu b’introduzzjoni mużikali. It-​tema tal-​Ġimgħa, ibbażata fuq Salm 73:28, hija “Li Nersaq Qrib Alla Huwa Tajjeb Għalija.” Wara t-​taħdita taċ-​chairman se jkun hemm it-​taħditiet “Il-​Konvenzjonijiet Jgħinuna Nibqgħu Qrib taʼ Ġeħova” u “‘L-​Iben Lest li Jirrivelah.’” Imbagħad fis-​serje taʼ taħditiet “Imita lil Dawk li Baqgħu Qrib Ġeħova” se jiġi kunsidrat kif Abraham, Rut, Ħeżekija, u Marija għamlu dan. Il-​programm taʼ filgħodu se jikkonkludi bit-​taħdita prinċipali, “Kif Ġeħova Jersaq Qrib Lejna.”

L-​ewwel taħdita li se ssir il-​Ġimgħa waranofsinhar hija “Tweġibiet Għal Mistoqsijiet Dwar Ġeħova,” segwita mit-​taħditiet “Ħalli d-​Dixxiplina taʼ Ġeħova Ssawrek” u “Qatt ‘Tagħdab Kontra Ġeħova.’” Imbagħad se jkun hemm is-​serje taʼ ħames taħditiet “Il-​Komunikazzjoni Tgħin lill-​Familji Jibqgħu Qrib taʼ Ġeħova.” Dawn huma intitolati: “Ġeħova, Dak li Jikkomunika bl-​Aħjar Mod,” “Irġiel, Ikkomunikaw maʼ Martkom!,” “Nisa, Ikkomunikaw maʼ Żwieġkom!,” “Ġenituri, Ikkomunikaw maʼ Wliedkom!,” u “Tfal, Ikkomunikaw mal-​Ġenituri Tagħkom!” Is-​sessjoni taʼ waranofsinhar se tikkonkludi bit-​taħdita “Il-​Ħolqien Jirrivela lill-​‘Alla l-​Ħaj’!”

It-​tema tas-​Sibt hija “Hu Għandu Relazzjoni Intima mar-​Retti,” ibbażata fuq Proverbji 3:32. Is-​serje taʼ ħames taħditiet “Għin lin-​Nies ‘Jerġgħu Jitħabbu m’Alla’” se tinkludi t-​taħditiet “Imbegħdin Minn Alla u bla Tama,” “Hu ‘Staqsiehom,’” “Wettaq l-​Irwol Tiegħek Bħala Assistent fix-​Xogħol tal-​Evanġelizzar,” “Irbaħhom b’Kondotta Tajba,” u “Ippersevera fil-​Ministeru b’Mod Żeluż.” Wara t-​taħditiet “Is-​Servizz Full-​Time Jsaħħaħ ir-​Relazzjoni Tiegħek maʼ Ġeħova” u “Għal Dawk li Jħobbu lil Ġeħova, M’Hemm Ebda Tfixkil,” is-​sessjoni se tikkonkludi bit-​taħdita tal-​magħmudija, imbagħad dawk li jikkwalifikaw se jingħataw l-​opportunità biex jitgħammdu.

Fil-​programm tas-​Sibt waranofsinhar se tiġi kunsidrata serje taʼ tmien taħditiet, “Tħalli Xejn Ibiegħdek Minn Ġeħova”—“L-​Isforzi Sottili taʼ Satana,” “Il-​Kburija,” “Il-​Flus,” “Is-​Saħħa,” “Il-​Karriera,” “Ir-​Rikreazzjoni,” “Il-​Familja,” u “It-​Teknoloġija.” Wara se jkun hemm drama speċjali bis-​sawnd biss intitolata “Taqtax Qalbek Meta Jikkoreġik Ġeħova!” Is-​sessjoni għal dan il-​jum se tispiċċa bit-​taħdita “Ibqaʼ Qrib taʼ Ġeħova, Bħalma Għamel Ġeremija.”

It-​tema tal-​Ħadd, ibbażata fuq Ġożwè 23:8, hija “Ma’ Ġeħova . . . Għandkom Tibqgħu Mqabbdin.” Wara l-​għanja u t-​talba taʼ filgħodu, fis-​serje taʼ taħditiet “Napprezzaw il-​Personalità taʼ Ġeħova li Tiġbidna Lejh” se nirrivedu tmienja minn dawn il-​kwalitajiet—“Avviċinabbli,” “Juri Empatija,” “Japprezza,” “Ġeneruż,” “Imparzjali,” “Jaħfer,” “Raġunevoli,” u “Leali.” Wara se jkun hemm it-​taħdita pubblika “Kif Tistaʼ Tersaq Qrib Lejn Alla?” Is-​sessjoni taʼ filgħodu se tikkonkludi bl-​Istudju tat-​Torri tal-​Għassa taʼ kull ġimgħa fil-​qosor.

Xi ħaġa speċjali l-​Ħadd waranofsinhar hija d-​drama bil-​kostum li se tiħodna lura fl-​ewwel seklu. Din hi dwar il-​ħarba tal-​Kristjani minn Ġerusalemm, u ġġib it-​titlu “‘Imxi bil-​Fidi u Mhux b’Dak li Jaraw Għajnejk.’” Wara d-​drama, il-​konvenzjoni se tikkonkludi bit-​taħdita “Ibqaʼ ‘fil-​Post Sigriet taʼ l-​Iktar Għoli.’”

Ippjana minn issa biex tattendi. Sabiex issib l-​eqreb post għalik, ikkuntattja s-​Sala tas-​Saltna lokali tax-​Xhieda taʼ Ġeħova jew ikteb lil min jippubblika din ir-​rivista.

www.watchtower.org