SUĠĠETT PRINĊIPALI | GĦANDEK KONTROLL FUQ ĦAJTEK?
Tistaʼ tikkontrollaha ħajtek?
ILLUM ħadd m’għandu ċirkustanzi ideali. Spiss is-sigriet li jkollok kontroll hu li titgħallem kemm li taċċetta dawk iċ-ċirkustanzi u kemm li taħdem fil-limitazzjonijiet li dawn ipoġġu fuqek. Jekk tkun tistaʼ jerġaʼ jkollok imqar ftit kontroll fuq ħajtek minkejja ċirkustanzi sfortunati, ikun tajjeb. Jekk iċ-ċirkustanzi tiegħek eventwalment jitjiebu, ikun aħjar. Imma l-aħjar għadu ġej.
Il-Bibbja twiegħed żmien meta n-nies kollha se jkunu jistgħu jkollhom kwantità taʼ kontroll sodisfaċenti fuq ħajjithom. Se jkunu jistgħu jgħixu l-potenzjal kollu taʼ ħajjithom, ma jkollhomx ċirkustanzi frustranti, pressjonijiet taʼ kuljum, u sentimenti negattivi. (Isaija 65:21, 22) Il-Bibbja tirreferi għal dan bħala “l-ħajja vera.”—1 Timotju 6:19.
“Se jibnu djar u jgħammru fihom; u jħawlu għelieqi bid-dwieli u jieklu frotthom. Ma jibnux u jgħammar ħaddieħor; ma jħawlux u jiekol ħaddieħor. Għax jiem in-nies tiegħi jkunu bħall-jiem taʼ siġra; u l-magħżulin tiegħi se jużaw xogħol idejhom bis-sħiħ.”—Isaija 65:21, 22.