Gawdi l-​Ħajja fuq l-​Art Għal Dejjem!

Dan il-​ktejjeb hu stampat biex igħinek tkun taf min ħalaq l-​art u l-​affarijiet kollha taʼ fuqha. Int se titgħallem li Alla, li għamel l-​art, għandu isem. Hawn se nfissru wkoll għala Alla għamel lill-​bniedem u kif int tistaʼ tgawdi l-​ħajja fuq l-​art għal dejjem.

Aħna nittamaw li l-​ħafna stampi se jgħinuk biex ikollok dehra aħjar taʼ dawn l-​affarijiet. Biex tikseb l-​akbar benefiċċju, għandek taqra t-​testi tal-​Bibbja ċċitati ħdejn il-​biċċa l-​kbira tal-​istampi. B’dan il-​mod, int se tkun qrajt għalik innifsek xi wħud mill-​wegħdiet sbieħ t’Alla li hemm fil-​Bibbja u x’igħid Alla li għandek tagħmel int biex tirċievi t-​twettieq taʼ dawk il-​wegħdiet.

Tistaʼ anki forsi tuża dan il-​ktejjeb biex tgħin lil ħaddieħor. Jekk għandek it-​tfal, int tistaʼ tużah biex tgħinhom jitgħallmu dwar Alla. Jekk tgħix f’post fejn hemm ħafna nies li ma jafux jaqraw, int tistaʼ tuża l-​istampi biex tgħinhom jifhmu l-​iskopijiet t’Alla biex huma, mill-​banda l-​oħra, jkunu jistgħu jgħinu lil għajrhom.

Sinċerament nittamaw li billi tistudja din l-​informazzjoni se tinfetaħ għalik it-​triq biex tirċievi ħafna barkiet, u anke biex int turi lil oħrajn kif tistaʼ tgħix għal dejjem hawn fuq l-​art.