Hu Ma Ċediex għat-Tentazzjoni

META Ġużeppi kien żagħżugħ, missieru, Ġakobb, u Ġeħova kienu jħobbuh ħafna u kien speċjali għalihom. Imma dan ma jfissirx li l-ħajja tiegħu kienet se tkun faċli. Ġakobb kien jittratta lil Ġużeppi differenti minn ħutu, għalhekk huma bdew jgħiru għalih u saru kattivi miegħu. Minħabba f’hekk, hu esperjenza ħafna mibegħda. Meta Ġeħova permezz taʼ ħolm qal lil Ġużeppi li l-familja tiegħu fil-futur se jmilu quddiemu, ħutu iktar bdew jobogħduh.

Darba waħda, meta Ġużeppi kellu madwar 17-il sena, missieru bagħtu jara kif inhuma ħutu. Dan il-vjaġġ ma kienx qasir u kien se jiħodlu xi ġranet. Meta Ġużeppi wasal ħdejhom, ħutu ttrattawh bl-aħrax u tefgħuh ġo bir vojt. Huma tant kienu jobogħduh li meta beda jgħajjat għall-għajnuna ma tawx kasu. Għall-ewwel bdew jaħsbuha jekk joqtluhx, imma mbagħad bigħuh lil xi negozjanti li kienu għaddejjin. Iktar tard qalu lil missierhom li lil Ġużeppi kien qatlu xi annimal salvaġġ. Imma fil-verità, Ġużeppi kien qiegħed ’il bogħod fl-Eġittu minħabba li n-negozjanti kienu bigħuh bħala skjav għand Potifar, li kien uffiċjal tal-Fargħun.

Għal Ġużeppi kien faċli biex jaqtaʼ qalbu. Imma minflok, hu kien kuraġġuż, ħadem iebes, u “Ġeħova kien miegħu.” Iva, Ġeħova għamel ċert li Ġużeppi jirnexxi f’dak kollu li jagħmel. Fil-fatt, Potifar ħallieh jieħu ħsieb id-dar u dak kollu li kellu.

Imma Ġużeppi dalwaqt kien se jiffaċċja iktar problemi. “Ġużeppi sar ġuvni gustuż u mibni,” u l-mara taʼ Potifar ħadet grazzja miegħu u saħansitra qaltlu: “Imtedd miegħi.” Ġużeppi x’kien se jagħmel? Il-familja tiegħu kienet ’il bogħod. Hu kien sempliċiment skjav, jagħmel dak li riedu s-sidien tiegħu. Din il-mara żgur li setgħet tagħmillu ħajtu diffiċli jekk ma jaċċettax. Kien se jċedi Ġużeppi? Kien se jkollu l-kuraġġ jgħidilha le?

Il-Bibbja tgħidilna: “Hu rrifjuta.” Hu qal lill-mara taʼ Potifar li ma riedx jiħodha kontra r-raġel tagħha li kien fdalu kollox. Imma iktar importanti minn hekk, Ġużeppi qal: “Kif nistaʼ jien nagħmel xi ħaġa daqshekk ħażina u nidneb kontra Alla?” L-imħabba li kellu għal Ġeħova għenitu biex ikun kuraġġuż u jirrifjuta mill-ewwel. Imma hi baqgħet tipprova ġġiegħlu jimtedd magħha “jum wara l-ieħor.” Fl-aħħar, meta ma kienx hemm qaddejja ħdejhom, qabdet lil Ġużeppi mill-ħwejjeġ u qaltlu: “Imtedd miegħi!” Imma hu ħarab jiġri u ħwejġu baqgħu f’idejha. Iktar tard, uriethom lil Potifar u qaltlu li Ġużeppi pprova jistupraha. Potifar tant irrabja li tefaʼ lil Ġużeppi fil-ħabs.

Issa Ġużeppi spiċċa f’ħabs taħt l-art. Għal xi żmien, rabtulu saqajh bil-ktajjen u għonqu bil-ħadid. (Slm. 105:17, 18) Ġużeppi setaʼ tilef it-tama li xi darba ħajtu kienet se tkun aħjar. Ġeħova kien telqu? Le! U Ġużeppi baqaʼ jafda fih. Hu ħadem iebes fil-ħabs u Ġeħova bierku. Maż-żmien, il-kap tal-ħabs tah responsabbiltà kbira lil Ġużeppi u b’kuraġġ hu baqaʼ jissaporti sena wara sena.

Minħabba li Ġużeppi kien kuraġġuż u kellu l-fidi, Ġeħova baqaʼ jużah. Maż-żmien, Ġeħova ta xi ħolm lill-Fargħun u għen lil Ġużeppi biex jispjegahomlu. Ġużeppi qallu li l-ħolm kien ifisser li kien se jkun hemm sebaʼ snin fejn kien se jkollhom ħafna ikel, u wara kien se jkun hemm sebaʼ snin fejn kien se jkun hemm il-ġuħ. Il-Fargħun baqaʼ impressjonat u għalhekk għażel lil Ġużeppi biex jipprepara l-pajjiż għal meta jasal il-ġuħ. Il-Fargħun għamlu mexxej b’saħħtu, fil-fatt ma kien hemm ħadd li kellu iktar awtorità minnu ħlief il-Fargħun innifsu. Minħabba f’hekk, mhux biss irnexxielu jsalva lill-Eġizzjani imma anki lill-familja tiegħu. Meta ħutu marru għall-ikel l-Eġittu, mingħajr ma kienu jafu, huma mielu quddiem ħuhom li kien iżgħar minnhom. B’hekk, il-ħolma li Ġeħova ta lil Ġużeppi meta kien żagħżugħ ġrat. Issa ħutu wrew li kienu nbidlu. Ħuhom Ġużeppi li xi darba kienu jobogħduh, salva lilhom, lil missierhom, u l-poplu t’Iżrael. Dan kollu minħabba li hu kellu l-kuraġġ u wera fidi b’saħħitha f’Ġeħova.

Aqra l-istorja mill-Bibbja:

• Ġenesi kapitli 37, 39, 41–45

Biex tiddiskuti:

Ġużeppi kif wera kuraġġ?

Fittex Iktar

1. 1. X’juri li l-istorja tal-ħajja taʼ Ġużeppi fl-Eġittu ġrat eżatt kif inhi mniżżla fil-Bibbja? (g 1/11 15 ¶2)

   It-tweġiba tiegħek

2. 2. Ġużeppi kif kien jaf li Ġeħova kien iqis l-adulterju bħala “xi ħaġa daqshekk ħażina”? (Ġen. 39:9; w22.08 26 ¶2)

   It-tweġiba tiegħek

3. 3. Ġeħova għala ħalla lil Ġużeppi jsir prim ministru tal-Eġittu? (w96 5/1 24 ¶4) A

   It-tweġiba tiegħek

   

4. 4. Ġużeppi x’għamel meta kellu 110 snin, u dan kif juri li kellu fiduċja kbira f’Ġeħova? (Ġen. 50:25, 26; w07 6/1 28 ¶10-11) B

   It-tweġiba tiegħek

   

Aħseb Fuq Dak li Tistaʼ Titgħallem

• Il-mod kif Ġużeppi tratta lil ħutu x’jgħallimna dwar kif għandna nirreaġixxu meta xi ħadd mill-aħwa jweġġagħna? (Ġen. 45:4, 5; 50:19-21)

  It-tweġiba tiegħek

• Ġużeppi kien leali lejn Ġeħova anki meta kien ’il bogħod mill-familja tiegħu. L-eżempju tiegħu kif jgħinna . . .

  • meta nkunu l-iskola? Ċ

    It-tweġiba tiegħek

    

  • meta nkunu msifrin? D

    It-tweġiba tiegħek

    

  • meta nkunu qed nużaw il-mowbajl, it-tablet jew il-kompjuter? E

    It-tweġiba tiegħek

    

• Int kif tistaʼ turi l-kuraġġ li wera Ġużeppi?

  It-tweġiba tiegħek

Ħu l-Ħin Biex Taħseb Dwar Dawn il-Mistoqsijiet

• Din l-istorja x’tgħallimni dwar Ġeħova?

  It-tweġiba tiegħek

• Din l-istorja kif inhi marbuta mal-iskop taʼ Ġeħova?

  It-tweġiba tiegħek

• Meta Ġeħova jirxoxta lil Ġużeppi, x’nixtieq nistaqsih?

  It-tweġiba tiegħek

Tgħallem Iktar

Għalkemm Ġeħova ppermetta li Ġużeppi jiġrulu affarijiet ħżiena, hu għenu jissaporti. Ara kif Ġeħova jistaʼ jgħin lilek ukoll.

“Ġeħova Qed Jgħinek Tirnexxi” (w23.01 14-19)

It-tfal kif jistgħu jimitaw lil Ġużeppi meta oħrajn ikunu kattivi magħhom?

Ibqaʼ ssaporti avolja tiġi ttrattat ħażin (1:31)