Ir-​Razziżmu u r-​Reliġjon

META wasalt fl-​Istati Uniti fl-​1978, kont nemmen li l-​Amerka kienet ilha li solviet il-​problemi razzjali tagħha, li s-​suwed kienu ċittadini indaqs,” stqarr Mark Mathabane, kittieb imwieled fl-​Afrika t’Isfel, f’intervista li saritlu mir-​rivista Time. “F’ħafna aspetti, sibt li dan kien minnu. L-​Istati Uniti donnha kienet mitt sena ’l quddiem meta mqabbla maʼ l-​Afrika t’Isfel. Imma mbagħad bqajt imkexkex meta rrealizzajt li, fil-​fond taʼ qalbhom, in-​nies ftit li xejn kienu nbidlu.” X’ġagħlu jinħasad daqshekk?

“Fl-​Amerka, l-​iktar ħin li tara nies maqtugħin għalihom huwa nhar taʼ Ħadd fil-​11 taʼ fil-​għodu,” jgħid Mathabane. Hu nnota li anki fil-​knisja, in-​nies isibuha bi tqila biex jieħdu sehem fl-​adorazzjoni flimkien maʼ nies taʼ razza oħra. “Min jaf kif iħossuhom il-​bqija tal-​ġimgħa?” staqsa hu. Filwaqt li sostna li l-​edukazzjoni għandha tkun taʼ spinta għall-​bidla, Mathabane qal: “Bl-​edukazzjoni int tiġi mġiegħel taċċetta l-​universalità taʼ l-​esseri umani.”

Ix-Xhieda taʼ Jehovah jaqblu li l-​edukazzjoni hija s-​soluzzjoni, imma jirrikkmandaw b’mod speċjali l-​edukazzjoni bbażata fuq il-​Kelma t’Alla. Iva, il-​Bibbja tgħinhom ikissru l-​ħitan tal-​preġudizzju razzjali​—anki f’artijiet fejn il-​mibegħda etnika hija mifruxa maʼ kullimkien. Kull ġimgħa fis-​Swali tas-​Saltna tagħhom, nies taʼ diversi razez u nazzjonalitajiet jinġabru flimkien biex jitgħallmu l-​liġijiet u l-​prinċipji tal-​Kelma t’Alla, il-​Bibbja. Ma jsir ebda ġbir taʼ flus f’dawn il-​laqgħat. Int mistieden li tattendi!