Nibqgħu Leali lejn Jehovah

GĦALKEMM il-​lealtà hija xi ħaġa imprezzabbli li rari ssibha llum, din hija kwalità li jintgħarfu minnha l-​qaddejja taʼ dak Alla veru, Jehovah. Xi ħadd leali jibqaʼ sod waqt li jkun għaddej mill-​provi u ma jċedix avolja jgħaddu ħafna snin. Ikkunsidra lis-​Sultan twajjeb Ħeżekija. “Warajh ma kien hemm ħadd bħalu fost is-​slaten kollha taʼ Ġuda, la taʼ warajh u lanqas taʼ qablu,” tistqarr il-​Bibbja. X’kien li għamlu daqshekk uniku lil Ħeżekija? Hu “kien miġbud lejn il-​Mulej [“tqabbad mal-​Mulej,” Saydon],” avolja kien imdawwar minn dawk li kienu jaduraw lill-​alla falz Molek. Iva, Ħeżekija “ma warrab qatt minn warajh [minn wara Jehovah]; u kien iħares l-​ordnijiet tiegħu.”—2 Slaten 18:​1-6.

L-appostlu Pawlu kien xi ħadd ieħor li baqaʼ leali lejn Jehovah. Fl-​Iskrittura Griega Kristjana nsibu rekord tal-​ministeru tiegħu li jagħti xiehda ħajja dwar kemm Pawlu dejjem baqaʼ jaqdi lil Alla b’ruħu kollha. Meta kien wasal biex itemm il-​korsa tiegħu fuq l-​art, Pawlu setaʼ jgħid dan dwaru nnifsu: “Tqabadt it-​taqbida t-​tajba, temmejt il-​ġirja, ħarist il-​fidi.”—2 Timotju 4:7.

X’eżempji mill-​aħjar taʼ lealtà huma għalina Ħeżekija u Pawlu! Jalla nimitaw il-​fidi tagħhom billi nibqgħu leali lejn Jehovah, dak Alla Grandjuż tagħna.—Lhud 13:7.