Is-Sbuħija Ġewwinija Għandha Valur Dejjiemi

“GĦAL ŻAGĦŻUGĦ, IS-​SBUĦIJA HIJA L-​ISTESS BĦALL-​VIRTÙ,” OSSERVA KRISTJAN LEALI MDAĦĦAL FIŻ-​ŻMIEN.

Iva, il-​bniedem ilu bit-​tendenza li jpoġġi enfasi żejda fuq is-​sbuħija li tidher, u dan spiss wasslu biex jiġġudika ħażin il-​valuri ġewwinin. Madankollu, il-​Ħallieq tagħna jħares lejn dak li aħna minn ġewwa, hi x’inhi d-​dehra tagħna minn barra. B’dan il-​mod hu jagħti l-​aqwa eżempju taʼ ġudizzju matur. Skond il-​Bibbja, Alla nnifsu qal: “Il-​Mulej ma jarax bħalma jara l-​bniedem, dak biss li jidher fl-​għajn, imma l-​qalb.”—1 Samwel 16:7.

Alla hu s-​Sors tal-​vera sbuħija umana, u Kelmtu tirrivela li meta jikkunsidra l-​valuri ġenwini taʼ persuna, il-​kwalitajiet spiritwali jkunu dawk li jgħoddu l-​iktar. Tgħid il-​Bibbja: “Qarrieqa l-​ħlewwa tal-​mara, fiergħa sbuħitha; mara li tibżaʼ mill-​Mulej taʼ min ifaħħarha.” (Proverbji 31:30) Tabilħaqq, is-​sbuħija minn barra tistaʼ tgħatti l-​kruha minn ġewwa. (Ester 1:​10-12; Proverbji 11:22) Għalkemm is-​sbuħija fiżika tistaʼ tispiċċa maż-​żmien, is-​sbuħija ġewwinija—il-​kwalitajiet tal-​qalb—tistaʼ tikber u ssir dejjiema.

Għalhekk, kemm hu għaqli li nikkultivaw kwalitajiet bħalma huma l-​imħabba, l-​hena, is-​sliem, is-​sabar, il-​ħniena, it-​tjieba, il-​fidi, il-​ħlewwa u r-​rażan! (Galatin 5:​22, 23) B’hekk, inkunu nistgħu niksbu s-​sbuħija ġewwinija, li verament għandha valur dejjiemi.—1 Pietru 3:​3, 4.