“Fl-​Aħħar Sirt Naf x’Għandi Ħażin!”

DAN huwa kif ħassu wieħed raġel f’Tokyo meta qara l-​bijografija fil-​ħarġa taʼ l-​1 taʼ Diċembru, 2000, taʼ It-​Torri taʼ l-​Għassa. L-​artiklu kien jismu “Intom Ma Tafux X’Għad Isir Għada,” u kien jirrakkonta l-​esperjenza taʼ ħu li kien missjunarju u li għandu marda magħrufa b’mod mediku bħala manic-depressive psychosis.

F’ittra indirizzata lill-​pubblikaturi taʼ din ir-​rivista, ir-​raġel minn Tokyo qal: “Is-​sintomi li hemm spjegati fl-​artiklu huma eżatt li nħoss jien. Għalhekk mort fi sptar mentali u sirt naf li għandi l-​manic depression. It-​tabib li eżaminani baqaʼ mistagħġeb. Hu qalli, ‘Nies li għandhom din il-​marda rari jaħsbu li huma morda.’ Ġejt megħjun nagħraf il-​marda qabel ma waslet fi stat avanzat wisq.”

Miljuni taʼ nies madwar id-​dinja jibbenefikaw b’diversi modi billi jaqraw kull ħarġa tat-​Torri taʼ l-​Għassa u r-​rivista li toħroġ magħha, Stenbaħ! Huma jsibu li l-​artikli huma informattivi u jagħtuhom sodisfazzjon. Ir-​rivista t-​Torri taʼ l-​Għassa issa hija stampata f’141 lingwa, u Stenbaħ! tiġi pubblikata f’86 lingwa. Int ukoll tistaʼ tieħu pjaċir taqra It-​Torri taʼ l-​Għassa u Stenbaħ! regolarment.