Enriku VIII u l-​Bibbja

FIT-​TIENI volum tal-​ktieb tiegħu History of the English-Speaking Peoples, Winston Churchill kiteb: “Fil-​qasam tat-​twemmin reliġjuż, ir-​Riforma ġabet bidliet profondi. Il-​Bibbja issa kisbet awtorità ġdida u iktar vasta. Il-​ġenerazzjoni li kienet ixjeħ fl-​età kienet tqis il-​Kitba Mqaddsa bħala xi ħaġa perikoluża f’idejn min m’huwiex taʼ skola u li din kellha tinqara biss mill-​qassisin.”

Ir-rakkont ikompli: “Bibbji sħaħ stampati, tradotti għall-​Ingliż minn Tyndale u Coverdale, kienu dehru għall-​ewwel darba lejn tmiem il-​ħarifa taʼ l-​1535, u issa kienu reġgħu ġew stampati diversi edizzjonijiet. Il-​Gvern ordna lill-​membri tal-​kleru biex jinkuraġġixxu l-​qari tal-​Bibbja.” Wara sekli sħaħ li fihom ħadd ma kien jaf x’tgħid il-​Bibbja, issa l-​Ingilterra kollha kienet se tibda taqraha; imma dan kien bis-​saħħa tal-​gvern taʼ Enriku VIII iktar milli bis-​saħħa tal-​knisja.a

“Dawk li kienu għadhom jaħsbuha la antika ngħataw daqqa taʼ ħarta oħra meta l-​Gvern ordna li f’Pariġi jiġu stampati għadd kbir taʼ Bibbji bl-​Ingliż li kellhom ikunu iktar lussużi minn kwalunkwe edizzjoni oħra li kienet ħarġet qabel. U f’Settembru taʼ l-​1538, il-​Gvern ordna li kull parroċċa fil-​pajjiż kellha tixtri Bibbja bl-​Ingliż mill-​kbarnett, biex titqiegħed f’kull knisja, fejn in-​nies tal-​parroċċa setgħu jilħquha bil-​kumdità u jaqrawha. Fil-​katidral taʼ San Pawl, fil-​qalba tal-​Belt taʼ Londra, tpoġġew sitt kopji, u kotriet kbar taʼ nies kienu joħonqu l-​katidral kuljum biex jaqrawhom, speċjalment, skond ma ntqalilna, meta kien ikun hemm xi ħadd b’vuċi li twassal u li setaʼ jaqra b’leħen għoli.”

X’ħasra li f’għadd taʼ pajjiżi hemm ħafna li m’humiex qed jieħdu vantaġġ mill-​privileġġ li għandhom li jaqraw il-​Bibbja regolarment. Din il-​ħaġa tagħti lok għal tħassib kbir, ladarba l-​Bibbja biss “hija mnebbħa minn Alla, u tiswa biex wieħed jgħallem, iċanfar, iwiddeb u jrawwem fis-​sewwa.”​—2 Timotju 3:​16.

[Nota taʼ taħt]

[Sors tal-​Istampa f’paġna 32]

Enriku VIII: Pittura fir-​Royal Gallery f’Kensington, mill-​ktieb The History of Protestantism (Vol. I)