Tistaʼ l-​Fidi Tfejjaq lill-​Morda?

META nimirdu, aħna nfittxu s-​serħan u l-​fejqan. X’aktarx, permezz tal-​Bibbja, int taf li għal darba wara l-​oħra Ġesù Kristu fejjaq kull xorta taʼ mard, u ġab serħan lil dawk li kienu morda. Dan it-​tip taʼ fejqan kif seħħ? ‘Bil-​qawwa t’Alla,’ tgħid il-​Bibbja. (Luqa 9:42, 43, KŻ; Atti 19:11, 12) Għalhekk, kien l-​ispirtu qaddis mingħand Alla li wettaq il-​fejqan, u mhux sempliċement il-​fidi taʼ l-​individwu. (Atti 28:7-9) Kien għalhekk li Ġesù ma kienx jistenna li l-​morda jesprimu l-​fidi li kellhom fih sabiex ifejjaqhom.

Għandek mnejn titħasseb: ‘Huwa l-​fejqan mirakoluż xi ħaġa tal-​passat, jew se jerġaʼ jkun hawn fejqan bħal dak li wettaq Ġesù? X’tama hemm għal dawk li qed ibatu minn mard taʼ wġigħ jew li m’hawnx kura għalih?’

Il-Bibbja tispjega li fid-​dinja l-​ġdida tas-​sewwa t’Alla, il-​qawwa t’Alla se terġaʼ twettaq l-​istess tip taʼ fejqan mirakoluż li wettaq Ġesù meta kien fuq l-​art. Ix-​Xhieda taʼ Jehovah fil-​lokalità tiegħek se jkunu ferħanin juruk kif u meta Alla se jwettaq dak li l-​ebda faith healer ma jistaʼ qatt jagħmel—jelimina kull mard, kif ukoll il-​mewt. Iva, Alla se “jeqred il-​mewt għal dejjem.”—Isaija 25:8.