Ġrajja li Għandna Niftakruha

Xi ġrajja hi din? Hija l-​mewt taʼ raġel li miet madwar 2,000 sena ilu. “Nagħti ruħi, sabiex nerġaʼ nirċiviha,” hu qal. “Ħadd ma ħadhieli, imma nagħtiha minn rajja.” (Ġwanni 10:​17, 18) Dan ir-​raġel kien Ġesù Kristu.

Ġesù għallem lis-​segwaċi tiegħu biex josservaw it-​Tifkira tal-​mewt tiegħu bħala sagrifiċċju. Din l-​okkażjoni hi msejħa wkoll “l-​ikla taʼ fil-​għaxija tal-​Mulej,” jew “l-​ikla tal-​Mulej.” (1 Korintin 11:20; Għaqda Biblika Maltija) It-​Tifkira li Ġesù stabbilixxa biex tikkommemora l-​mewt tiegħu se tiġi ċelebrata mix-​Xhieda taʼ Ġeħova u l-​ħbieb tagħhom nhar il-​Ħamis, 24 taʼ Marzu, 2005, wara nżul ix-​xemx.

Se jkun hemm taħdita bbażata fuq il-​Bibbja li se tispjega s-​sinifikat tal-​ħobż bla ħmira u l-​inbid aħmar li jintużaw għal din l-​okkażjoni. (Mattew 26:​26-28) Ukoll, it-​taħdita se twieġeb mistoqsijiet bħal: Il-​Kristjani kemm-il darba għandhom jikkommemoraw din il-​ġrajja? Min għandu bix-​xieraq jieħu mill-​emblemi tal-​ħobż u l-​inbid? Min se jibbenefika mill-​mewt taʼ Ġesù? Din l-​osservanza importanti se tgħin lil kull wieħed minna japprezza l-​iskop tal-​ħajja u l-​mewt taʼ Ġesù.

Nistidnuk minn qalbna sabiex tattendi t-​Tifkira tal-​mewt taʼ Ġesù. Jekk jogħġbok iċċekkja max-​Xhieda taʼ Ġeħova tal-​lokal għall-​ħin u l-​post eżatt.