“L-​Għotja Tiegħek mill-​Iktar Prezzjuża”

DAK li qabel kien il-​prim ministru tal-​Belġju hekk iddeskrivieh il-​ktieb L-​Aqwa Bniedem li Qatt Għex.a Wieħed mill-​ġirien għamillu żjara taʼ ħbiberija, u hu aċċetta kopja tal-​ktieb. Iktar tard, hu kiteb ittra t’apprezzament: “Tassew bqajt impressjonat biż-​żjara li għamiltli, u bqajt saħansitra iktar impressjonat bl-​għotja tiegħek mill-​iktar prezzjuża: il-​ktieb dedikat ‘lill-​Aqwa Bniedem.’”

Dak li qabel kien prim ministru kien analizza l-​ktieb u wasal għall-​konklużjoni: “Kieku n-​nies ikunu iktar interessati fil-​messaġġ taʼ l-​Evanġelju u jpoġġu fil-​prattika l-​prinċipji taʼ Ġesù Kristu, kieku llum id-​dinja tkun differenti għalkollox. Imbagħad ma jkollniex bżonn Kunsill tas-​Sigurtà; ma jkunx hemm attakki terroristiċi, u l-​vjolenza fid-​dinja ma tkunx iktar.” Għalkemm ammetta li din tidher bħala xewqa mhix realistika, hu esprima r-​rispett tiegħu għaż-​żjara taʼ ħbiberija li għamillu l-​ġâr.

L-​ittra tkompli tgħid: “Intom tappartjenu lil grupp kbir taʼ nies taʼ rieda tajba li la huma ottimisti u lanqas pessimisti, imma nies li jemmnu f’ħajja b’kundizzjonijiet aħjar kemm għall-​bnedmin u kif ukoll għall-​affarijiet oħrajn.”

Ix-Xhieda taʼ Ġeħova jemmnu li intervent minn Alla, mhux l-​isforzi tal-​bniedem, eventwalment se jġib dinja aħjar. Huma jipprovaw jimitaw lill-​aqwa bniedem, Ġesù Kristu. Kellek xi żjara mix-​Xhieda taʼ Ġeħova dan l-​aħħar? Int x’aktarx li tieħu pjaċir titkellem magħhom dwar l-​aqwa bniedem li qatt għex. U huma jieħdu gost jagħtuk il-​ktieb li tant impressjona lil dak li qabel kien prim ministru.

[Nota taʼ taħt]