Avviżi
◼ L-offerta tal-letteratura għal Awissu: Kwalunkwe wieħed mill-brochures taʼ 32 paġna li ġejjin: Veru Li Alla Jimpurtah Minna?, Gawdi l-Ħajja fuq l-Art Għal Dejjem!, “Ħares! Qed Nagħmel l-Affarijiet Kollha Ġodda,” Għandek Int Temmen fit-Trinità?, X’Inhu L-Iskop Tal-Ħajja? Kif Tistaʼ Ssibu?, u Meta Xi Ħadd Li Tħobb Imut. Fejn huwa xieraq, jistgħu jiġu offruti brochures oħrajn. Settembru: Life—How Did It Get Here? By Evolution or by Creation? jew Int Tistaʼ Tgħix Għal Dejjem Fil-Ġenna Fuq L-Art. Ottubru: Kopji individwali kemm taʼ It-Torri Taʼ L-Għassa bil-Malti u bl-Ingliż u kemm taʼ l-Awake! Novembru: Għarfien Li Jwassal Għall-Ħajja Taʼ Dejjem. Se jsir sforz speċjali biex immorru lura kulfejn inkunu ħallejna xi ħaġa, bil-mira li nibdew studji tal-Bibbja fid-dar.
◼ Provista adegwata taʼ formoli għall-użu matul is-sena taʼ servizz 1997 qiegħda tintbagħat lil kull kongregazzjoni. Jekk jogħġobkom użaw dawn il-formoli bil-għaqal. Għandhom jiġu wżati biss għall-iskop li għalih ġew magħmulin.
◼ Kull kongregazzjoni se tirċievi tliet formoli taʼ l-Inventarju tal-Letteratura (S(d)-18). Is-segretarju tal-kongregazzjoni għandu jiltaqaʼ fil-bidu t’Awissu mal-ħu inkarigat mil-letteratura u jiffissa data biex isir inventarju tal-provista tal-letteratura tal-kongregazzjoni fl-aħħar tax-xahar. Trid tingħadd kull biċċa letteratura li hemm fil-provista, u t-totali għandhom jinkitbu fil-formola taʼ l-Inventarju tal-Letteratura. L-ammont totali taʼ rivisti disponibbli jistaʼ jinkiseb mill-ħu inkarigat mir-rivisti. Jekk jogħġobkom ibagħtu l-oriġinal bil-posta lis-Soċjetà mhux iktar tard mis-6 taʼ Settembru. Żommu kopja għall-files tagħkom. It-tielet kopja tistaʼ tiġi wżata biex taħdmu fuqha. Is-segretarju għandu jieħu ħsieb li l-inventarju jsir sewwa u l-formola mimlija għandha tiġi ċċekkjata mill-indokratur li jippresiedi. Is-segretarju u l-indokratur li jippresiedi mbagħad jiffirmaw il-formola.
◼ Il-kongregazzjonijiet għandhom jibdew jitolbu n-1997 Calendar of Jehovah’s Witnesses mat-talba għal-letteratura taʼ Settembru. Il-kalendarji se jkunu disponibbli biċ-Ċiniż, bil-Franċiż, bil-Ġappuniż, bil-Ġermaniż, bil-Grieg, bl-Ingliż, bl-Ispanjol, bil-Pollakk, bil-Portugiż, bir-Russu, bit-Taljan, u bit-Tork.