Avviżi
◼ Offerta taʼ letteratura għal Awissu: Jistaʼ jintuża kwalunkwe browxer taʼ 32 paġna minn dawn li ġejjin: Veru li Alla Jimpurtah Minna?, Gawdi l-Ħajja fuq l-Art Għal Dejjem!, Għandek Int Temmen fit-Trinità?, X’Inhu l-Iskop tal-Ħajja—Kif Tistaʼ Ssibu?, u Meta Xi Ħadd Li Tħobb Imut. Il-browxer Ktieb għan-Nies Kollha jistaʼ jiġi offrut fejn ikun xieraq. Settembru: Għarfien Li Jwassal Għall-Ħajja Taʼ Dejjem. Ottubru: Kopji individwali taʼ It-Torri taʼ l-Għassa u Stenbaħ!
◼ Qiegħda tintbagħat provista adegwata taʼ formoli għall-użu matul is-sena taʼ servizz 1999 lil kull kongregazzjoni. Jekk jogħġobkom użaw dawn il-formoli bil-għaqal. Għandhom jintużaw biss għall-iskop intenzjonat għalihom.
◼ Kull kongregazzjoni se tirċievi tliet formoli taʼ l-Inventarju tal-Letteratura (S(d)-18). Is-segretarju tal-kongregazzjoni għandu jiltaqaʼ mal-ħu inkarigat mil-letteratura kmieni f’Awissu u jiffissa data biex isir inventarju tal-ħażna tal-letteratura tal-kongregazzjoni fl-aħħar tax-xahar. Trid tingħadd il-letteratura kollha maħżuna, u t-totali jridu jitniżżlu fil-formola taʼ l-Inventarju tal-Letteratura. L-ammont totali taʼ rivisti disponibbli jistaʼ jinkiseb mill-ħu inkarigat mir-rivisti. Jekk jogħġobkom ibagħtu l-oriġinal bil-posta lis-Soċjetà mhux iktar tard mis-6 taʼ Settembru. Żommu kopja għall-fajls tagħkom. It-tielet kopja tistaʼ tintuża bħala karta biex taħdmu fuqha. Is-segretarju għandu jieħu ħsieb li l-inventarju jsir sewwa, u l-formola mimlija għandha tiġi ċċekkjata mill-indokratur li jippresiedi. Is-segretarju u l-indokratur li jippresiedi mbagħad jiffirmaw il-formola.
◼ Il-kongregazzjonijiet għandhom jibdew jitolbu n-1999 Calendar of Jehovah’s Witnesses mar-rikjesta tal-letteratura għal Settembru. Il-kalendarji se jkunu disponibbli biċ-Ċiniż, bil-Franċiż, bil-Ġappuniż, bil-Ġermaniż, bil-Grieg, bil-Ħindi, bl-Ingliż, bl-Ispanjol, bil-Kroat, bil-Pollakk, bil-Portugiż, bir-Russu, bit-Taljan, bit-Tamil u bit-Tork.
◼ Il-Kumitat tas-Servizz tal-Kongregazzjoni għandu jagħti attenzjoni immedjata lill-applikazzjonijiet għal servizz taʼ pijunier regulari. Il-kumitat tas-servizz m’għandux iżomm xi applikazzjoni biex jara jekk dak li applika huwiex kapaċi jilħaq il-ħtieġa tas-sigħat. Id-data tal-ħatra tistaʼ tiġi mibdula awtomatikament fuq applikazzjonijiet li nirċievu wara d-data li tintalab mill-pubblikatur. M’għandhomx isiru ħatriet retroattivi ħlief f’każi eċċezzjonali. Jekk jeżistu xi ċirkustanzi partikulari, għandha tintbagħat ittra flimkien maʼ l-applikazzjoni.—Ara l-insert taʼ l-Our Kingdom Ministry t’Awissu 1986, paragrafi 24-6.
◼ Se jiġu kkunsidrati serje taʼ browxers fl-Istudju tal-Ktieb tal-Kongregazzjoni malli titlesta l-pubblikazzjoni Il-Bibbja—Il-Kelma t’Alla jew tal-Bniedem? L-avviż li kien hemm fil-ħarġa taʼ Mejju 1998 informana li b’seħħ mill-ġimgħa li tibda 21 taʼ Settembru se jintuża l-browxer X’Jirrikjedi. Dan se jiġi segwit minn konsiderazzjoni taʼ X’Inhu l-Iskop tal-Ħajja—Kif Tistaʼ Ssibu? u Veru li Alla Jimpurtah Minna?