Avviżi
◼ Offerta taʼ letteratura għal April u Mejju: Kopji individwali taʼ It-Torri taʼ l-Għassa u Stenbaħ! Ara li jkollok il-browxer X’Jirrikjedi disponibbli għal nies li juru interess, u stinka biex tibda studji tal-Bibbja fid-dar. Ġunju: Għarfien Li Jwassal Għall-Ħajja Taʼ Dejjem. Lulju u Awissu: Jistaʼ jintuża kwalunkwe browxer taʼ 32 paġna minn dawn li ġejjin: Veru li Alla Jimpurtah Minna?, Gawdi l-Ħajja fuq l-Art Għal Dejjem!, Għandek Int Temmen fit-Trinità?, X’Jiġrilna meta Mmutu?, X’Inhu l-Iskop tal-Ħajja—Kif Tistaʼ Ssibu?, u Meta Xi Ħadd Li Tħobb Imut. Il-browxer Ktieb għan-Nies Kollha jistaʼ jiġi offrut fejn ikun xieraq.
◼ Huwa neċessarju għas-Soċjetà li żżomm dokumentazzjoni aġġornata taʼ indirizzi u numri tat-telefon taʼ l-indokraturi li jippresiedu u s-segretarji kollha. Jekk ikun hemm xi bidla fi kwalunkwe żmien, is-segretarju għandu jimla u jibgħat il-formola Presiding Overseer/Secretary Change of Address (S-29) lis-Soċjetà mill-ewwel. Dan jinkludi kwalunkwe bidliet fil-kodiċi postali. L-indirizz tas-Soċjetà hu: International Bible Students Association, I.B.S.A. House, Triq il-Waqqafa, Mosta, MST 02.
◼ Is-segretarji tal-kongregazzjoni għandhom iżommu provvista adegwata taʼ dawn il-formoli tal-pijunieri: Regular Pioneer Changes (S-204), Application for Regular Pioneer Service (S-205), Application for Auxiliary Pioneer Service (S-205b), u Notification for Discontinuing Regular Pioneer Service (S-206). Dawn jistgħu jiġu ordnati fuq il-Literature Request Form (S-14). Minn taʼ l-inqas żommu provvista għal sena. Irrevedu l-formola taʼ l-applikazzjoni għall-pijunier regulari biex tkunu ċerti li hija kompluta. Jekk dawk li japplikaw ma jkunux jistgħu jiftakru d-data eżatta tal-magħmudija tagħhom, għandhom jikkalkulaw id-data bejn wieħed u ieħor u jżommu nota tagħha.
◼ Konvenzjoni Distrettwali 1999. Għandna l-pjaċir ninformawkom li l-arranġamenti ġew iffinalizzati għall-Konvenzjoni Distrettwali għall-1999. Il-Konvenzjoni se tinżamm fiċ-Ċentru għall-Konferenzi tan-New Dolmen Hotel, mill-Ġimgħa, l-10 taʼ Settembru sal-Ħadd, it-12 taʼ Settembru.