REVIŻJONI TAʼ L-​ISKOLA TAL-​MINISTERU TEOKRATIKU

Reviżjoni mingħajr l-​użu tal-​kotba fuq il-​materjal mgħoddi fl-​inkarigi taʼ l-​Iskola tal-​Ministeru Teokratiku għall-​ġimgħat mis-​6 taʼ Settembru sa l-​20 taʼ Diċembru, 1999. Uża karta separata biex tikteb it-​tweġibiet tal-​mistoqsijiet skond kemm tilħaq fil-​ħin assenjat.

[Nota: Matul ir-​reviżjoni bil-​kitba, il-​Bibbja biss tistaʼ tintuża biex twieġeb kwalunkwe mistoqsija. Ir-​referenzi li ssib wara l-​mistoqsijiet huma għar-​riċerka persunali tiegħek. Jistaʼ jkun li n-​numru tal-​paġna u tal-​paragrafu ma jidhrux fir-​referenzi kollha għal It-​Torri taʼ l-​Għassa.]

Wieġeb kull waħda mill-​istqarrijiet li ġejjin Veru jew Falz:

1. Jehovah ppermetta t-​tmexxija umana indipendenti sabiex juri li l-​mod Tiegħu taʼ ħakma huwa dejjem sewwa u ġust. (Dt. 32:4; Ġob 34:​10-12; Ġer. 10:23) [w-MT97 3/1 pġ. 5 par. 3]

2. Il-​Bibbja tindika li Alla jikkundanna l-​ilmenti kollha. [w97 12/1 pġ. 30 pari. 3-4]

3. Il-​ġenituri jżommu r-​relazzjonijiet tagħhom maʼ wliedhom miżżewġin f’perspettiva xierqa billi jirrikonoxxu l-​prinċipji divini taʼ l-​istat taʼ kap u tal-​bonordni. (Ġen. 2:24; 1 Kor. 11:3; 14:​33, 40) [fy-MT pġ. 164 par. 6]

4. Mark 6:​31-34 juri li Ġesù ġietu ħasra mill-​kotra sempliċement minħabba l-​mard u l-​faqar tagħhom. [w97 12/15 pġ. 29 par. 1]

5. Jekk Kristjan mill-​klassi tan-​nagħaġ oħra ma jkunx jistaʼ jattendi l-​Mafkar tal-​mewt taʼ Ġesù, għandu jiċċelebrah xahar wara fi qbil mal-​prinċipju mniżżel f’Numri 9:​10, 11. (Ġw. 10:16) [Qari mill-​Bibbja taʼ kull ġimgħa; ara w93 2/1 pġ. 31 par. 9.]

6. Filwaqt li n-​nanniet ma jiħdux f’idejhom ir-​responsabbiltà tal-​missier u taʼ l-​omm li jdaħħlu sewwa l-​veritajiet tal-​Bibbja f’moħħ it-​tfal tagħhom, in-​nanniet jistaʼ jkollhom irwol komplimentari f’li jikkontribwixxu għall-​iżvilupp spiritwali tat-​tfal. (Dt. 6:7; 2 Tim. 1:5; 3:​14, 15) [fy-MT pġ. 168 par. 15]

7. Proverbji 6:30 juri li s-​serq jistaʼ jiġi skużat jew ġustifikat f’ċerti ċirkustanzi. [g97 11/8 pġ. 19 par. 2]

8. Fl-​1530, William Tyndale kien l-​ewwel wieħed li uża l-​isem t’Alla, Jehovah, fi traduzzjoni Ingliża taʼ l-​Iskrittura Ebrajka. [w97 9/15 pġ. 28 par. 3]

9. Illum, il-​belt taʼ refuġju antitipika hija l-​provvediment t’Alla biex jipproteġina mill-​mewt talli ksirna l-​kmandament tiegħu dwar is-​santità tad-​demm. (Num. 35:11) [Qari mill-​Bibbja taʼ kull ġimgħa; ara w-MT95 12/1 pġ. 15 par. 8.]

10. L-​isem Dewteronomju, jiġifieri “t-​Tieni Liġi,” huwa addattat għaliex dan il-​ktieb Bibliku huwa sempliċement ripetizzjoni tal-​Liġi. [Qari mill-​Bibbja taʼ kull ġimgħa; ara si pġ. 36 par. 4.]

Wieġeb il-​mistoqsijiet li ġejjin:

11. Taʼ xiex kienu jagħtu stampa ż-​żewġ ħobżiet bil-​ħmira li kien joffri l-​qassis il-​kbir fil-​Festa taʼ Pentekoste? (Lev. 23:​15-17) [Qari mill-​Bibbja taʼ kull ġimgħa; ara w-MT98 3/1 pġ. 13 par. 21.]

12. Il-​Ġublew Kristjan meta beda, u x’tip taʼ libertà ġab f’dak iż-​żmien? (Lev. 25:10) [Qari mill-​Bibbja taʼ kull ġimgħa; ara w-MT95 6/1 pġ. 19 par. 14.]

13. Skond dak li huwa dokumentat fil-​ktieb taʼ Numri, is-​sopravivenza fuq liema tliet affarijiet tiddependi? [si pġ. 30 par. 1]

14. Mosè b’liema mod kien eżempju tajjeb f’li juri li ma kellux spirtu t’għira? (Num. 11:29) [Qari mill-​Bibbja taʼ kull ġimgħa; ara w-MT95 10/1 pġ.18 par. 11.]

15. Il-​każ taʼ Kora, Datan, u Abiram kif juri li l-​fatt li tara mhux dejjem iwassal għal li temmen? [w-MT97 4/1 pġ. 4 par. 2]

16. Liema żewġ aspetti taʼ li nonoraw lill-​ġenituri anzjani huma enfasizzati f’​Mattew 15:​3-6 u fl-​1 Timotju 5:4? [fy-MT pġi. 173-5 pari. 2-5]

17. Liema lezzjoni importanti hija enfasizzata f’​Numri 26:​64, 65? [Qari mill-​Bibbja taʼ kull ġimgħa, ara g95 8/8 pġi. 10-11 pari. 5-8.]

18. L-​eżempju taʼ Fineħas kif jgħinna napprezzaw xi tfisser id-​dedikazzjoni lejn Jehovah? (Num. 25:11) [Qari mill-​Bibbja taʼ kull ġimgħa; ara w-MT95 3/1 pġi. 30-1 pari. 12-13.]

19. Kif jistaʼ wieħed fil-​belt antitipika taʼ refuġju “joħroġ minn truf” il-​belt? (Num. 35:26) [Qari mill-​Bibbja taʼ kull ġimgħa; ara w-MT95 12/1 pġ. 18 par. 20.]

20. Il-​Manuskritt Sinajtiku b’liema mod kien barka għat-​traduzzjoni tal-​Bibbja? [w97 10/15 pġ. 11 par. 2]

Ipprovdi l-​kelma (kliem) jew frażi meħtieġa biex titkompla kull waħda mill-​istqarrijiet li ġejjin:

21. Jehovah ħalla l-​ħażen jeżisti biex jistabbilixxi darba għal dejjem il-​verità fundamentali li hu waħdu hu ․․․․․․․․ u li ․․․․․․․․ lejn il-​liġijiet tiegħu hija essenzjali għall-​paċi u l-​hena kontinwi tal-​ħlejjaq tiegħu kollha. (Salm 1:​1-3; Prov. 3:​5, 6; Koħ. 8:9) [w-MT97 3/1 pġ. 5 par. 4]

22. Il-​ktieb taʼ Levitiku jispikka f’li jenfasizza ․․․․․․․․ tad-​demm, billi juri li dan jistaʼ jintuża biss bħala ․․․․․․․․ . [si pġ. 29 par. 33]

23. Fi qbil maʼ Salm 144:15b, l-​hena veru huwa kundizzjoni tal-​qalb, ibbażat fuq ․․․․․․․․ ġenwina u ․․․․․․․․ tajba maʼ Jehovah. [w97 3/15 pġ. 23 par. 7]

24. Il-​Bibbja li rriżultat mit-​traduzzjoni tal-​Bibbja Ebrajka għall-​Grieg komuni, li tlestiet madwar is-​sena 150 Q.E.K., saret magħrufa bħala ․․․․․․․․; it-​traduzzjoni taʼ Ġirolmu tal-​Bibbja għal-​Latin saret magħrufa bħala ․․․․․․․․ , ․․․․․․․․ , li tlestiet madwar is-​sena 400 E.K. [w97 8/15 pġ. 9 par. 1; pġ. 10 par. 4]

25. Billi rrefera għar-​rakkonti dwar Bagħlam u Kora kif inhuma dokumentati fil-​ktieb taʼ Numri, Ġuda wissa lill-​Kristjani biex joqogħdu għassa għall-​perikli ․․․․․․․․ u ․․․․․․․․ . [si pġ. 35 par. 35]

Agħżel it-​tweġiba korretta f’kull waħda mill-​istqarrijiet li ġejjin:

26. Darba fis-​sena, (fil-Festa taʼ l-​Għerejjex; f’Jum it-​Tpattija; fil-​Qbiż), il-​ġens kollu taʼ Iżrael, inkluż ir-​residenti barranin li kienu jqimu lil Jehovah, riedu (jieqfu minn kull xogħol; iħallsu d-​deċmi; jippreżentaw offerti taʼ l-​ewwel frott) u jsumu. (Lev. 16:​29-31) [Qari mill-​Bibbja taʼ kull ġimgħa; ara w-MT96 7/1 pġ. 18 par. 12.]

27. Waħda mill-​miri tal-​Kumitat tat-​Traduzzjoni tal-​Bibbja New World kienet li jipproduċi traduzzjoni li kienet (letterali kemm jistaʼ jkun; parafrażi tal-​lingwi oriġinali; fi qbil maʼ ċerta fehma duttrinali) sabiex il-​qarrej ikun jistaʼ jkollu idea aħjar tal-​lingwi oriġinali u l-​mod taʼ ħsieb assoċjat magħhom. [w97 10/15 pġ. 11 par. 5]

28. Skond Lhud 13:​19, it-​talb persistenti taʼ kredenti mseħbin jistaʼ jagħmel differenza rigward (dak li jippermetti Alla; meta Alla jaġixxi; kif Alla jimmanuvra l-​affarijiet). [w-MT97 5/1 pġ. 5 par. 2]

29. Il-​‘qafla kaħla mal-​ponot tal-​mantar’ taʼ l-​Iżraeliti kienet meħtieġa bħala (tiżjin sagru; sinjal taʼ modestja; sinjal li jidher biex ifakkarhom li jridu jkunu separati mid-​dinja bħala l-​poplu taʼ Jehovah). (Num. 15:​38, 39) [Qari mill-​Bibbja taʼ kull ġimgħa; ara w83 10/15 pġ. 20 par. 16.]

30. Il-​perijodu taʼ żmien li kopra l-​ktieb taʼ Dewteronomju huwa (xahrejn; sena; sentejn), u tlesta mill-​kitba kmieni fl-​(1513; 1473; 1467) Q.E.K. [si pġ. 36 par. 6]

Qabbel l-​iskritturi li ġejjin maʼ l-​istqarrijiet miktubin taħt:

Num. 17:​6, 14 [Num. 16:​41, 49, NW]; Mt. 19:9; Lq. 2:​36-38; Kol. 2:8; 3:14

31. L-axxetiżmu ma jwassalx għal qdusija speċjali jew tidwil veru. [g97 10/8 pġ. 21 par. 3]

32. II-fornikazzjoni hija l-​unika bażi Skritturali għal divorzju bil-​possibbiltà taʼ żwieġ mill-​ġdid. [fy-MT pġi. 158-9 par. 15]

33. Il-​fatt li individwu jkun attiv ħafna f’attivitajiet teokratiċi, anki f’età avanzata, jistaʼ jgħinu biex ikampa mat-​telfa taʼ sieħeb fiż-​żwieġ. [fy-MT pġi. 170-1 par. 21]

34. Il-​kritika għall-​mod kif Jehovah jamministra l-​ġustizzja permezz tal-​qaddejja maħturin tiegħu jistaʼ jkollha konsegwenzi diżastrużi. [Qari mill-​Bibbja taʼ kull ġimgħa; ara w-MT96 7/1 pġ. 13 par. 13.]

35. Imħabba mhix egoista torbot lil koppja miżżewġa flimkien u tagħmilhom ikunu jridu jagħmlu dak li huwa l-​aħjar għal xulxin u għat-​tfal tagħhom. [fy-MT pġ. 187 par. 11]