Avviżi
◼ Offerta taʼ letteratura għal Jannar: Kwalunkwe ktieb antik li l-kongregazzjoni jistaʼ jkollha maħżun. Il-kongregazzjonijiet li m’għandhomx provvista taʼ dawn il-kotba jistgħu joffru Int Tistaʼ Tgħix Għal Dejjem Fil-Ġenna Fuq L-Art. Frar: Is-Sigriet taʼ l-Hena fil-Familja. Marzu: Għarfien Li Jwassal Għall-Ħajja Taʼ Dejjem. Se jsir sforz speċjali biex jinbdew studji tal-Bibbja fid-dar. April: Kopji individwali taʼ It-Torri taʼ l-Għassa u Stenbaħ! Ara li jkollok il-browxer X’Jirrikjedi disponibbli għal nies interessati, u stinka biex tibda studji tal-Bibbja fid-dar.
◼ Il-pubblikaturi mgħammdin kollha preżenti għal-Laqgħa tas-Servizz fil-ġimgħa taʼ l-10 taʼ Jannar, jistgħu jiksbu d-dokument Advance Medical Directive/Release u l-Identity Card għal uliedhom.
◼ B’seħħ mill-bidu taʼ Frar, u mhux iktar tard mill-5 taʼ Marzu, it-taħdita pubblika l-ġdida għall-indokraturi tas-circuit se tkun “Il-Vera Armageddon—Għala? Meta?”
◼ Il-kongregazzjonijiet għandhom jagħmlu arranġamenti konvenjenti biex jiċċelebraw il-Mafkar din is-sena nhar l-Erbgħa, 19 t’April, wara nżul ix-xemx. Għalkemm it-taħdita tistaʼ tibda iktar kmieni, it-tqassim taʼ l-emblemi tal-Mafkar m’għandux jibda qabel inżul ix-xemx. Iċċekkja maʼ sorsi lokali biex tiddetermina meta jkun se jseħħ inżul ix-xemx fil-lokalità tiegħek. Għalkemm huwa mixtieq li kull kongregazzjoni jkollha ċ-ċelebrazzjoni tal-Mafkar tagħha stess, dan mhux dejjem jistaʼ jkun possibbli. Fejn normalment għadd taʼ kongregazzjonijiet jużaw l-istess Sala tas-Saltna, forsi kongregazzjoni waħda jew iktar jistgħu jiksbu l-użu taʼ xi faċilità oħra għal dik il-lejla. Fejn ikun possibbli, nissuġġerixxu minn taʼ l-inqas 40 minuta bejn kull programm sabiex kulħadd ikun jistaʼ jibbenefika bis-sħiħ mill-okkażjoni, billi jkun hemm biżżejjed ħin biex nilqgħu lill-viżitaturi u ninkuraġġixxu lil uħud interessati ġodda. Ukoll għandha tingħata konsiderazzjoni għall-problemi tat-traffiku u taʼ l-ipparkjar, inkluż il-fatt li l-passiġġieri jkunu ħerġin u deħlin fil-karozzi. Il-ġemgħa taʼ l-anzjani għandha tiddeċiedi liema arranġamenti jkunu l-aħjar lokalment.
◼ It-taħdita pubblika speċjali għall-istaġun tal-Mafkar 2000 se tingħata nhar il-Ħadd 16 t’April. Is-suġġett tat-taħdita se jkun “Għala l-Umanità Teħtieġ Prezz tal-Fidwa.” Se jiġi provdut outline. Dawk il-kongregazzjonijiet li se jkollhom iż-żjara taʼ l-indokratur tas-circuit, l-assemblea tas-circuit, jew il-jum taʼ assemblea speċjali f’dak it-tmiem il-ġimgħa se jkollhom it-taħdita speċjali l-ġimgħa taʼ wara. L-ebda kongregazzjoni m’għandu jkollha t-taħdita speċjali qabel is-16 t’April, 2000.