Għandkom xi Yearbooks Neqsin mil-​Librerija Tagħkom?

Kull Yearbook of Jehovah’s Witnesses huwa teżor mill-​isbaħ li joffri qari pjaċevoli. Ir-​rapporti inkuraġġanti li fih dwar ix-​xogħol taʼ l-​ippridkar tas-​Saltna li jiġu minn madwar id-​dinja kollha jsaħħulna l-​fiduċja tagħna fil-​gwida, il-​protezzjoni, u l-​barka taʼ Jehovah. Għandna provvista tal-​ħarġiet bl-​Ingliż tal-​Yearbook taʼ l-​1995 sas-​sena 1998. Fihom l-​istorja eċċitanti tax-​xogħol tas-​Saltna fil-​Benin, il-​Brażil, Ċipru, id-​Danimarka, il-​Ġappun, il-​Greċja, Gwadelupe, il-​Martinik, il-​Messiku, il-​Mikronesja, il-​Możambik, il-​Paragwaj, l-​Ungerija, u l-​Venezwela. Għax ma tiċċekkjax biex tara jekk hemmx xi ħarġiet tal-​Yearbook minn dawn li huma neqsin mil-​librerija persunali tiegħek? L-​indokratur taʼ l-​Iskola tal-​Ministeru Teokratiku għandu bl-​istess mod jiċċekkja l-​librerija tas-​Sala tas-​Saltna. Il-​pubblikaturi kollha jew il-​kongregazzjonijiet li jixtiequ dawn il-​Yearbooks issa jistgħu jagħmlu rikjesta għalihom mingħand il-​ħu inkarigat mil-​letteratura fil-​kongregazzjoni.