Avviżi

◼ Offerta taʼ letteratura għal Marzu: Għarfien Li Jwassal Għall-​Ħajja Taʼ Dejjem. Se jsir sforz speċjali biex jinbdew studji tal-​Bibbja fid-​djar. April u Mejju: Ir-​rivisti t-​Torri taʼ l-​Għassa u Stenbaħ! Offri l-​browxer X’Jirrikjedi, u agħmel sforz speċjali biex tibda studji tal-​Bibbja. Ġunju: Alla X’Jirrikjedi Minna? jew Għarfien Li Jwassal Għall-​Ħajja Taʼ Dejjem. Jekk l-​inkwilini jkollhom dawn il-​pubblikazzjonijiet, offri browxer addattat li l-​kongregazzjoni għandha maħżun.

◼ Pubblikaturi li jixtiequ jaqdu bħala pijunieri awżiljarji f’April għandhom jagħmlu l-​pjanijiet tagħhom issa u jitfgħu l-​applikazzjoni tagħhom kmieni. Dan se jgħin lill-​anzjani biex jagħmlu l-​arranġamenti tas-​servizz taʼ l-​għalqa li huma meħtieġa u jaraw li jkollhom biżżejjed rivisti u letteratura oħra disponibbli. L-​ismijiet taʼ dawk kollha li jiġu approvati bħala pijunieri awżiljarji għandhom jitħabbru fil-​kongregazzjoni kull xahar.

◼ Il-​Mafkar se jinżamm il-​Ħamis, 28 taʼ Marzu, 2002. Jekk il-​kongregazzjoni tagħkom normalment ikollha l-​laqgħat nhar taʼ Ħamis, dawn għandhom jinżammu f’ġurnata oħra tal-​ġimgħa jekk is-​Sala tas-​Saltna tkun disponibbli. Jekk dan ma jkunx possibbli u jeffettwa l-​Laqgħa tas-​Servizz, il-​partijiet li huma applikabbli partikolarment għall-​kongregazzjoni tagħkom jistgħu jiġu inkorporati f’Laqgħa tas-​Servizz oħra.

◼ La l-​uffiċċju taʼ l-​IBSA f’Malta u lanqas l-​uffiċċju tal-​fergħa fil-​Britannja ma jaqdu r-​rikjesti taʼ pubblikaturi individwali għal-​letteratura. L-​indokratur li jippresiedi jrid jiftiehem biex isir avviż kull xahar qabel ma tintbagħat lis-​Soċjetà r-​rikjesta taʼ kull xahar tal-​kongregazzjoni għal-​letteratura, sabiex dawk kollha li huma interessati f’li jiksbu xi letteratura persunali jkunu jistgħu jinformaw lill-​ħu inkarigat mil-​letteratura. Jekk jogħġobkom żommu f’moħħkom liema pubblikazzjonijiet huma letteratura li tinkiseb b’rikjesta speċjali.