Avviżi

◼ Offerta taʼ letteratura għal Marzu: Offri l-​ktieb Għarfien, u agħmel sforz biex tibda studji tal-​Bibbja fid-​djar. April u Mejju: Introduċi kopji individwali kemm tat-​Torri taʼ l-​Għassa u kemm taʼ Stenbaħ! Il-​pubblikaturi għandhom jindikaw lill-​inkwilini li jekk jixtiequ jagħtu xi kontribuzzjoni għax-​xogħol taʼ madwar id-​dinja, jistgħu jagħmlu dan. Meta żżur lura lil nies interessati, ikkonċentra fuq li tħalli l-​ktieb Qim lill-​Uniku Alla Veru. Għandu jsir kull sforz biex jinbeda studju tal-​Bibbja fid-​dar, speċjalment jekk xi individwi diġà studjaw il-​ktieb Għarfien u l-​browxer X’Jirrikjedi. Ġunju: Offri l-​ktieb Għarfien jew il-​browxer X’Jirrikjedi. Jekk l-​inkwilini diġà jkollhom dawn il-​pubblikazzjonijiet, uża browxer ieħor addattat li l-​kongregazzjoni għandha maħżun.

◼ Pubblikaturi li jixtiequ jaqdu bħala pijunieri awżiljarji f’April għandhom jagħmlu l-​pjanijiet tagħhom issa u jitfgħu l-​applikazzjoni tagħhom kmieni. Dan se jgħin lill-​anzjani biex jagħmlu l-​arranġamenti tas-​servizz taʼ l-​għalqa li huma meħtieġa u jaraw li jkollhom biżżejjed rivisti u letteratura oħra disponibbli. L-​ismijiet taʼ dawk kollha li jiġu approvati bħala pijunieri awżiljarji għandhom jitħabbru fil-​kongregazzjoni kull xahar.