Għajnuna lir-​Refuġjati

Ħafna pajjiżi fid-​dinja huma milqutin mill-​problema taʼ li jieħdu ħsieb ir-​refuġjati u dawk li ġew sforzati jitilqu minn pajjiżhom. L-​organizzazzjoni taʼ Jehovah hija konxja tal-​bżonn li tagħti sehemha, b’mod partikulari meta r-​refuġjati jkunu wħud minn ħutna.—Awake! tat-​22 taʼ Jannar, 2002.

Filwaqt li aħna ħerqanin biex inkunu ospitabbli kemm jistaʼ jkun, mid-​dehra xi refuġjati kultant jużaw mezzi qarrieqa minħabba li jkunu ddisprati biex jiġu aċċettati mill-​awtoritajiet taʼ l-​immigrazzjoni. Dawn jgħidu li huma Xhieda, jattendu l-​laqgħat regolarment u minn barra jżommu dehra tajba. Meta l-​awtoritajiet taʼ l-​immigrazzjoni jiktbu lill-​anzjani biex jiċċekkjaw fuq l-​identità tagħhom, l-​anzjani jixhdu li dawn l-​uħud qed jattendu l-​laqgħat. Xi anzjani jagħmlu saħansitra iktar minn hekk u jiktbu ittra taʼ rakkomandazzjoni f’isem ir-​refuġjati. Sfortunatament, spiss jiġri li meta r-​refuġjat jikseb il-​permess tar-​residenza, dan imbagħad ‘jisparixxi.’

Għalhekk qed inwissu lill-​anzjani biex ma jagħtux appoġġ bla limitu sakemm ikunu ċerti li l-​individwu jkun Xhud ġenwin. Sadattant tistaʼ tiġi offruta ċerta ospitalità Kristjana imma ma jkunx għaqli li jsiru stqarrijiet lill-​awtoritajiet f’isem ir-​refuġjati sakemm tkun ġiet verifikata l-​pożizzjoni tagħhom.