Avviżi

◼ Offerta taʼ letteratura għal Ġunju: Il-​Ktieb Tiegħi taʼ Stejjer mill-​Bibbja. Jekk xi ħadd jgħidlek li m’għandux tfal, offrilu l-​browxer X’Jirrikjedi. Meta tuża l-​browxer, ikkonċentra fuq li tibda studji tal-​Bibbja fid-​djar. Lulju u Awissu: Jistaʼ jintuża kwalunkwe browxer taʼ 32 paġna minn dawn li ġejjin: Gawdi l-​Ħajja fuq l-​Art Għal Dejjem!, Għandek Int Temmen fit-​Trinità?, “Ħares! Qed Nagħmel l-​Affarijiet Kollha Ġodda,” Meta Xi Ħadd Li Tħobb Imut, Veru li Alla Jimpurtah Minna?, X’Inhu l-​Iskop tal-​Ħajja—Kif Tistaʼ Ssibu?, X’Jiġrilna meta Mmutu? u Ktieb għan-​Nies Kollha. Settembru: Kwalunkwe pubblikazzjoni li l-​kongregazzjoni għandha maħżuna. L-​indokratur tas-​servizz f’kull kongregazzjoni għandu jiċċekkja mal-​ħu li jieħu ħsieb il-​letteratura fis-​Sala tas-​Saltna biex jara jekk baqax xi ammont taʼ ċerti kotba li m’għadhomx jiġu pubblikati. Jekk m’għandkomx minn dawn il-​pubblikazzjonijiet maħżuna, jekk jogħġbok iċċekkja jekk il-​kongregazzjonijiet l-​oħra baqgħalhomx xi pubblikazzjonijiet minnhom li tistgħu tużaw.

◼ Sabiex tiġi aċċertata s-​sigurtà tas-​Sala tas-​Saltna, l-​aħħar wieħed li jitlaq mis-​sala għandu jsakkar il-​bieb u jiċċekkja xi miżuri oħra taʼ sigurtà li jkun hemm bżonn isiru. Jekk dan ma jkunx jistaʼ jaċċerta ruħu mis-​sigurtà tas-​sala, għandu jsejjaħ jew iċempel lil xi ħadd li jistaʼ jagħmel dan u jistenna sakemm dak jasal. L-​anzjani għandhom iżommu lista aġġornata taʼ pubblikaturi responsabbli li ngħataw iċ-​ċwievet tas-​Sala tas-​Saltna.

◼ Fil-​ħarġa taʼ Settembru tal-​Ministeru tas-​Saltna se jkun hemm punti għal diskussjoni dwar il-​vidjo Respect Jehovah’s Authority (Irrispetta l-​Awtorità taʼ Jehovah). Kopji taʼ dan il-​vidjo huma disponibbli biċ-​Ċiniż, bil-​Ġappuniż, bl-​Ingliż, bl-​Ispanjol, u bil-​Lingwa tas-​Sinjali Amerikana. Il-​kongregazzjonijiet kollha huma mfakkra biex jordnaw kopji taʼ dan il-​vidjo fl-​ordni tal-​letteratura li jmiss, skond il-​bżonn.