Avviżi
◼ Offerta taʼ letteratura għal Awissu: Jistaʼ jintuża kwalunkwe browxer taʼ 32 paġna minn dawn li ġejjin: Gawdi l-Ħajja fuq l-Art Għal Dejjem!, Għandek Int Temmen fit-Trinità?, “Ħares! Qed Nagħmel l-Affarijiet Kollha Ġodda,” Meta Xi Ħadd Li Tħobb Imut, Veru li Alla Jimpurtah Minna?, X’Inhu l-Iskop tal-Ħajja—Kif Tistaʼ Ssibu?, X’Jiġrilna meta Mmutu? u Ktieb għan-Nies Kollha. Settembru: Kwalunkwe pubblikazzjoni antika li l-kongregazzjoni jistaʼ jkollha maħżuna. L-indokratur tas-servizz f’kull kongregazzjoni għandu jiċċekkja mal-ħu li jieħu ħsieb il-letteratura fis-Sala tas-Saltna biex jara jekk baqax xi ammont minn dawn il-kotba. Jekk m’għandkomx minn dawn il-pubblikazzjonijiet maħżuna, jekk jogħġbok iċċekkja jekk il-kongregazzjonijiet l-oħra baqgħalhomx xi pubblikazzjonijiet minnhom li tistgħu tużaw. Ottubru: Offri kopji individwali kemm tat-Torri taʼ l-Għassa u kemm taʼ Stenbaħ! Meta jintwera interess, offri l-browxer X’Jirrikjedi, billi tagħmel sforz speċjali biex tibda studji tal-Bibbja. Novembru: Offri l-ktieb Tgħallem mill-Għalliem il-Kbir. Jekk xi ħadd jgħidlek li m’għandux tfal, offri l-browxer X’jirrikjedi. Ikkonċentra fuq li tuża l-browxer biex tibda studji tal-Bibbja fid-djar.
◼ L-indokratur li jippresiedi għandu jinkariga lil xi ħadd biex jawditja l-kontijiet tal-kongregazzjoni fl-1 taʼ Settembru jew kemm jistaʼ jkun malajr wara din id-data. Meta dan ikun sar, agħmel avviż lill-kongregazzjoni wara li jkun inqara r-rapport tal-kontijiet li jmiss.
◼ Il-kongregazzjonijiet għandhom jibdew jordnaw it-2005 Calendar of Jehovah’s Witnesses, Neżaminaw l-Iskrittura Kuljum—2005, u t-2005 Yearbook of Jehovah’s Witnesses maʼ l-ordni tagħhom tal-letteratura li jmiss. Lista tal-lingwi kollha li bihom se jkunu disponibbli dawn il-pubblikazzjonijiet se tidher fl-“Avviż lill-Kongregazzjonijiet Kollha,” li jintbagħat lill-kongregazzjonijiet kollha kull xahar.
◼ Il-15 t’Awissu hija festa pubblika u t-8 taʼ Settembru hija festa nazzjonali. Dawn huma opportunitajiet tajbin biex nagħmlu sforz akbar ħalli nieħdu sehem fil-ministeru taʼ l-għalqa. Peress li f’dawn il-ġranet x’aktarx li n-nies ikunu iktar id-dar, għala ma tagħmilx arranġamenti biex tqattaʼ xi ħin ħalli terġaʼ żżur lil dawk li wrew interess?