Tfakkiriet għall-Konvenzjoni Distrettwali
◼ Ħinijiet tal-Programm: Il-programm se jibda fid–9:30 a.m. fit-tlett ijiem kollha. Ftit minuti qabel ma tibda s-sessjoni, iċ-chairman se jieħu postu bil-qiegħda fuq il-platform waqt li tindaqq il-mużika tas-Saltna bħala introduzzjoni. Dak il-ħin ilkoll kemm aħna għandna nsibu postna sabiex il-programm ikun jistaʼ jibda bid-dinjità. Il-Ġimgħa u s-Sibt, il-programm se jispiċċa fil–5:05 p.m. u l-Ħadd fl–4:10 p.m.
◼ Postijiet: Il-postijiet jistgħu jintrefgħu biss għal dawk li jivvjaġġaw miegħek fl-istess karozza jew jgħixu miegħek fl-istess dar.
◼ Donazzjonijiet: Meta tiġi organizzata konvenzjoni distrettwali jkun hemm involuti spejjeż kbar. Nistgħu nuru l-apprezzament tagħna billi nagħtu kontribuzzjonijiet volontarji għax-xogħol madwar id-dinja fis-Sala tas-Saltna tagħna jew fil-konvenzjoni. Kwalunkwe ċekk li jingħata b’kontribuzzjoni fil-konvenzjoni għandu jintgħamel pagabbli lil “IBSA (Malta).”
◼ Apparat li Jirrekordja: Ebda apparat li jirrekordja m’għandu jitqabbad mas-sistema taʼ l-elettriku jew tas-sawnd li hemm fil-post tal-konvenzjoni u dan l-apparat jistaʼ jintuża biss sakemm ma jtellifx lil oħrajn.
◼ Ritratti: Jekk tieħu r-ritratti matul is-sessjonijiet m’għandikx tuża flexx.
◼ Telefons Ċellulari u Pagers: Dawn għandhom jiġu ssettjati b’mod li ma jtellfux.
◼ Inċidenti u Emerġenzi: Jekk tinqalaʼ xi emerġenza medika fil-post tal-konvenzjoni, jekk jogħġbok ikkuntattja lil attendant fil-qrib, li se javża mill-ewwel lid-Dipartiment taʼ l-Ewwel Għajnuna sabiex dawk fostna li huma kwalifikati biex jagħtu l-ewwel għajnuna jkunu jistgħu jiddeċiedu kemm hi gravi s-sitwazzjoni u jagħtu l-assistenza tagħhom.
◼ Restoranti: F’ħafna postijiet normalment jitħallew tips taʼ 15 fil-mija, jiddependi mis-servizz.