Avviżi
◼ Offerta taʼ letteratura Diċembru: Offri l-ktieb L-Aqwa Bniedem li Qatt Għex. Inkella, offri xi ktieb ieħor bħal: Il-Ktieb Tiegħi taʼ Stejjer mill-Bibbja, u Int Tistaʼ Tgħix Għal Dejjem Fil-Ġenna Fuq L-Art, jekk il-kongregazzjoni għandha maħżunin. Jannar: Kwalunkwe pubblikazzjoni li l-kongregazzjoni għandha maħżuna. L-indokratur tas-servizz taʼ kull kongregazzjoni għandu jiċċekkja mal-koordinatur tal-letteratura tas-Sala tas-Saltna biex jara jekk hemmx xi kotba antiki żejda. Jekk m’għandkomx pubblikazzjonijiet antiki maħżunin, jekk jogħġobkom iċċekkjaw mal-kongregazzjonijiet fil-qrib jekk għandhomx letteratura antika disponibbli li tistgħu tużaw. Jekk il-kongregazzjonijiet ma jkollhomx kotba antiki bħal dawn maħżunin, għandhom mnejn jużaw il-ktieb Għarfien jew il-browxer Ibqaʼ Għassa! Frar: Introduċi l-ktieb Ersaq Qrib Lejn Jehovah. Marzu: Introduċi l-ktieb Il-Bibbja X’Tgħallem? u agħmel sforz diliġenti biex tibda studji tal-Bibbja.
◼ L-inviti għat-Tifkira għas-sena 2007 fil-lingwa primarja taʼ kull kongregazzjoni se jintbagħtu dalwaqt. Jekk hemm lingwi oħrajn mitkellma fit-territorju tagħkom u tixtiequ provvista taʼ inviti b’dawk il-lingwi, dawn għandhom jiġu ordnati mill-iktar fis possibbli fuq il-Literature Request Form (S-14-E). Lista tal-lingwi kollha li bihom se jkunu disponibbli l-inviti għat-Tifkira se tidher fl-“Avviż għall-Kongregazzjonijiet Kollha,” li jintbagħat bil-posta kull xahar. Jekk jogħġobkom, ordnaw biss dawk il-lingwi li hemm bżonn fit-territorju tagħkom.
◼ Jekk jogħġobkom innotaw li t-Tifkira għas-sena 2008 se tkun nhar is-Sibt, 22 taʼ Marzu, wara nżul ix-xemx. Dan l-avviż bil-quddiem qiegħed jingħata sabiex l-aħwa jkunu jistgħu jibbukkjaw jew jagħmlu kuntratti skond il-bżonn għal swali disponibbli għal meta jkun hemm diversi kongregazzjonijiet li jużaw is-Sala tas-Saltna u jkunu jridu jinstabu faċilitajiet oħrajn. F’każi bħal dawn, l-anzjani għandu jkollhom ftehim mal-maniġment biex jiżguraw li ma jkun hemm ebda tfixkil minn attivitajiet oħrajn fil-bini. Minħabba l-importanza tat-Tifkira, il-ġemgħa taʼ l-anzjani għandha tagħżel wieħed mill-iktar anzjani kwalifikati biex ikun il-kelliemi għat-Tifkira minflok ma tagħżel lil min imissu jew tuża lill-istess ħu kull sena. Madankollu, jekk hemm anzjan kapaċi mill-midlukin li jistaʼ jagħti t-taħdita, għandu jintgħażel hu.