Kaxxa għall-​Mistoqsija

◼ Huwa xieraq li tagħmel xi car boot sale jew avveniment ieħor biex tiġbor fondi ħalli tgħin lill-​kongregazzjoni?

Huwa komuni li organizzazzjonijiet reliġjużi jiġbru fondi billi jisponsorjaw avvenimenti bħal per eżempju ikliet, sales, jew xi festa. Filwaqt li xi wħud għandhom mnejn iħossu li dan se jagħmluh għal raġuni tajba, avvenimenti bħal dawn fil-​fatt huma modi kif tittallab. Ix-​Xhieda taʼ Ġeħova ma jiħdux appoġġ finanzjarju b’dan il-​mod.

It-tieni ħarġa tal-​Watch Tower, f’Awissu taʼ l-​1879, qalet hekk dwar għala nirrifjutaw li nimitaw lill-​knejjes u nittallbu l-​fondi: “Aħna nemmnu li ĠEĦOVA hu l-​wieħed li jappoġġa lil ‘Zion’s Watch Tower,’ u ladarba dan il-​fatt huwa minnu din [l-organizzazzjoni] qatt m’hi se tittallab jew titlob lin-​nies għall-​appoġġ. Meta Hu, il-​wieħed li jgħid: ‘Id-​deheb u l-​fidda kollha tal-​muntanji huma tiegħi,’ jonqos milli jipprovdi l-​fondi neċessarji, aħna nifhmu li jkun iż-​żmien li nwaqqfu l-​ippubblikar.”

Aħna nkomplu nsegwu l-​prinċipju Skritturali: “Ħa jagħmel kull wieħed bħalma jkun iddeċieda f’qalbu, mhux kontra qalbu jew bilfors, għax Alla jħobb lil min jagħti bil-​ferħ.” (2 Kor. 9:7) Fis-​Sala tas-​Saltna hemm kaxxi għall-​kontribuzzjoni ħalli min jixtieq, jitfaʼ donazzjoni volontarja. (2 Slat. 12:10 [2 Slat. 12:​9, NW]) Ħadd m’għandu jittallab għall-​kontribuzzjonijiet; u ħadd ma jrid jagħtihom bil-​ħsieb li jieħu xi ħaġa lura.