Avviżi
◼ Offerta taʼ letteratura għal Jannar: Kwalunkwe pubblikazzjoni antika li l-kongregazzjoni għandha maħżuna. L-indokratur tas-servizz taʼ kull kongregazzjoni għandu jiċċekkja mal-koordinatur tal-letteratura tas-Sala tas-Saltna biex jara jekk hemmx iżżejjed minn xi kotba antiki. Jekk m’għandkomx pubblikazzjonijiet antiki maħżuna, jekk jogħġobkom iċċekkjaw mal-kongregazzjonijiet fil-qrib jekk għandhomx letteratura antika disponibbli li tistgħu tużaw. Jekk il-kongregazzjonijiet ma jkollhomx kotba antiki bħal dawn maħżunin, jistgħu jużaw il-ktieb Għarfien jew il-browxer Ibqaʼ Għassa! Frar: Offri l-ktieb Ersaq Qrib Lejn Ġeħova. Marzu: Offri l-ktieb Il-Bibbja X’Tgħallem? u agħmel sforz ħabrieki biex tibda studju tal-Bibbja. April: Se jiġu offruti kopji individwali tat-Torri taʼ l-Għassa u taʼ Awake! Meta terġaʼ żżur lil nies interessati, inkluż dawk li jattendu t-Tifkira u/jew xi attivitajiet teokratiċi oħrajn iżda m’humiex jassoċjaw b’mod attiv mal-kongregazzjoni, stinka biex toffri l-ktieb Il-Bibbja X’Tgħallem?, bil-mira li tibda studju tal-Bibbja.
◼ B’seħħ minn Frar, u mhux iżjed tard mill-4 taʼ Marzu, it-taħdita pubblika l-ġdida għall-indokraturi tas-circuit se tkun “Id-Dinja l-Ġdida t’Alla—Min Se Jikkwalifika biex Jidħol Fiha?”
◼ Il-programm tal-vidjo Young People Ask—What Will I Do With My Life? (Iż-Żgħażagħ Jistaqsu—X’Se Nagħmel b’Ħajti?) se jiġi kunsidrat f’Laqgħa tas-Servizz f’April. Jekk ikun hemm bżonn taʼ kopji tad-DVD għandhom jiġu ordnati permezz tal-kongregazzjoni kemm jistaʼ jkun malajr.
◼ Il-letteratura tagħna biċ-Ċiniż hija pubblikata b’żewġ kitbiet. Nies minn Ħong Kong u Tajwan ġeneralment jaqraw il-kitba tradizzjonali, li aħna nniżżluha bħala “Ċiniż” (CH). Il-biċċa l-kbira l-oħra tal-qarrejja Ċiniżi normalment jaqraw il-kitba simplifikata li nirreferu għaliha bħala “Ċiniż Simplifikat” (CHS). Ladarba l-kitba li dak li jkun jaqra m’għandhiex x’taqsam jekk jitkellimx bil-Cantonese, bil-Mandarin, jew b’xi djalett ieħor, huwa importanti li jiddeċiedi b’liema kitba jippreferi. Biex jagħżel, jistaʼ juża l-ktejjeb Good News for People of All Nations, paġni 19-20. B’dan il-mod, tistaʼ tinkiseb letteratura bil-kitba korretta.
◼ Il-kongregazzjonijiet għandhom jagħmlu arranġamenti konvenjenti biex din is-sena josservaw it-Tifkira nhar it-Tnejn, 2 t’April, wara nżul ix-xemx. Għalkemm it-taħdita tistaʼ tibda iktar kmieni, it-tqassim taʼ l-emblemi m’għandux jibda qabel inżul ix-xemx. Iċċekkjaw maʼ sorsi lokali biex tiddeterminaw meta jseħħ inżul ix-xemx fil-lokalità tagħkom. Kull kongregazzjoni għandha tipprova tagħmel l-osservanza tat-Tifkira għaliha. Però, dan jistaʼ ma jkunx dejjem possibbli. Fejn normalment għadd taʼ kongregazzjonijiet jużaw l-istess Sala tas-Saltna, forsi kongregazzjoni minnhom jew iktar jistgħu jiksbu l-użu taʼ xi post ieħor għal dik il-lejla. Fejn ikun possibbli, nissuġġerixxu li jkun hemm minn taʼ l-inqas 40 minuta bejn laqgħa u oħra sabiex kulħadd ikun jistaʼ jibbenefika bis-sħiħ minn ftit sħubija wara t-Tifkira. Għandha tingħata konsiderazzjoni għall-problemi tat-traffiku u taʼ l-ipparkjar. Għandhom isiru arranġamenti wkoll għal dawk li m’għandhomx trasport. Il-ġemgħa taʼ l-anzjani għandha tiddeċiedi liema arranġamenti jkunu l-aħjar lokalment.
◼ Is-segretarji tal-kongregazzjonijiet għandhom ikunu ċerti li jkollhom pioneer appointment letter (S-202) għal kull pijunier regulari fil-kongregazzjoni. Jekk le, iridu jinformaw lill-uffiċċju lokali bil-miktub.