Avviżi

◼ Offerta taʼ letteratura għall-​1-9 t’April: Kampanja bl-​invit tat-​Tifkira. 30 t’April–31 taʼ Mejju: Ir-​rivisti Torri taʼ l-​Għassa u Stenbaħ! Meta terġaʼ żżur lil nies interessati, inkluż dawk li jattendu t-​Tifkira u/jew xi attivitajiet teokratiċi oħrajn iżda li m’humiex jissieħbu b’mod attiv mal-​kongregazzjoni, stinka biex tħallilhom il-​ktieb Il-​Bibbja X’Tgħallem Verament? Il-​mira għandha tkun li jinbeda studju tal-​Bibbja b’dan il-​ktieb. Ġunju: Il-​Bibbja X’Tgħallem Verament? Jekk l-​inkwilini jkollhom il-​ktieb diġà, il-​pubblikaturi jistgħu joffru pubblikazzjoni iktar antika li l-​kongregazzjoni jistaʼ jkollha maħżuna. Lulju: Jistaʼ jintuża kwalunkwe browxer taʼ 32 paġna li l-​kongregazzjoni għandha maħżun u li hu adattat għall-​bżonnijiet speċifiċi taʼ l-​inkwilin.

◼ L-​iskedi tal-​laqgħat jistgħu jiġu rranġati skond il-​bżonn biex jippermettu li l-​kongregazzjonijiet jattendu l-​Konvenzjoni Distrettwali “Ibqaʼ Għassa!” Fl-​aħħar Laqgħa tas-​Servizz qabel ma l-​kongregazzjoni tattendi l-​konvenzjoni għandha tiġi inkluża reviżjoni tal-​pariri u t-​tfakkiriet li japplikaw lokalment. Xahar jew xahrejn wara l-​konvenzjoni tagħkom, jistaʼ jintuża porzjon mill-​bżonnijiet lokali biex jiġu riveduti punti mill-​konvenzjoni li l-​pubblikaturi sabuhom utli fil-​ministeru.

◼ Xi wħud mill-​Bibbji b’lingwi barranin m’humiex prodotti mill-​organizzazzjoni taʼ Ġeħova, għalhekk iridu jinxtraw minn sors sekulari. Minħabba li biex jinkisbu dawn il-​Bibbji hemm involuta spiża mhux ħażin, dawn huma disponibbli biss bħala oġġett taʼ rikjesta speċjali għall-​pubblikaturi mgħammdin u mhux mgħammdin u studenti tal-​Bibbja progressivi li m’għandhomx Bibbja. Dawn l-​uħud m’għandhomx iħossuhom obbligati jagħmlu kontribuzzjoni li hi ekwivalenti għall-​prezz tal-​Bibbja jekk iċ-​ċirkustanzi tagħhom ma jippermettulhomx. Kull wieħed għandu jikkontribwixxi fi qbil maʼ l-​abbiltà tiegħu biex jagħmel dan.—2 Kor. 9:7.