Avviżi

◼ Offerta taʼ letteratura għal Mejju: Ir-​rivisti Torri taʼ l-​Għassa u Stenbaħ! Meta terġaʼ żżur lil nies interessati, inkluż dawk li jattendu t-​Tifkira u/jew xi attivitajiet teokratiċi oħrajn iżda li m’humiex jissieħbu b’mod attiv mal-​kongregazzjoni, stinka biex tħallilhom il-​ktieb Il-​Bibbja X’Tgħallem Verament? Il-​mira għandha tkun li jinbeda studju tal-​Bibbja b’dan il-​ktieb. Ġunju: Il-​Bibbja X’Tgħallem Verament? Jekk l-​inkwilini jkollhom il-​ktieb diġà, il-​pubblikaturi jistgħu joffru pubblikazzjoni iktar antika li l-​kongregazzjoni jistaʼ jkollha maħżuna. Lulju u Awissu: Jistaʼ jintuża kwalunkwe browxer taʼ 32 paġna li l-​kongregazzjoni għandha maħżun u li hu adattat għall-​bżonnijiet speċifiċi taʼ l-​inkwilin.

◼ Kulmeta tattendi l-​laqgħat tal-​kongregazzjoni, xi assemblea, jew xi konvenzjoni distrettwali f’pajjiż ieħor, ir-​rikjesta tiegħek għall-​informazzjoni fuq id-​dati, il-​ħinijiet, u l-​postijiet fejn dawn isiru, trid tkun diretta lill-​uffiċċju tal-​fergħa li jieħu ħsieb ix-​xogħol f’dak il-​pajjiż. L-​indirizzi taʼ l-​uffiċċji tal-​fergħa jinsabu mniżżlin fl-​aħħar paġna tal-​Yearbook kurrenti.

◼ L-​iskeda tal-​laqgħa għall-​ġimgħa taʼ qabel dik tal-​Konvenzjoni Distrettwali “Ibqaʼ Għassa!” tistaʼ tiġi rranġata biex jiġu riveduti xi pariri u tfakkiriet dwar l-​attendenza għall-​konvenzjoni. Xahar jew xahrejn wara l-​konvenzjoni, jistaʼ jintuża wieħed mill-​bżonnijiet lokali biex jiġu riveduti punti mill-​konvenzjoni li l-​pubblikaturi sabu utli fil-​ministeru.