Avviżi

◼ Offerta taʼ letteratura għal Ġunju: Il-​Bibbja X’Tgħallem Verament? Jekk l-​inkwilini jkollhom il-​ktieb diġà, il-​pubblikaturi jistgħu joffru pubblikazzjoni iktar antika li l-​kongregazzjoni għandha maħżuna. Lulju u Awwissu: Kwalunkwe browxer taʼ 32 paġna li l-​kongregazzjoni għandha maħżun u li hu adattat għall-​bżonnijiet speċifiċi tal-​inkwilin. Settembru: Il-​Bibbja X’Tgħallem Verament? Kull fejn hu possibbli l-​pubblikaturi se jipprovaw jibdew Studji tal-​Bibbja fl-​ewwel żjara meta jħallu din il-​pubblikazzjoni. Uri kif l-​inkwilini jistgħu jibbenefikaw minn dan il-​ktieb billi tagħmel turija qasira taʼ studju tal-​Bibbja.

◼ Kulmeta l-​pjanijiet tal-​ivvjaġġar persunali jinkludu li wieħed iżur xi pajjiż li ma jkunx imniżżel separatament fir-​rapport tas-​sena taʼ servizz kurrenti jew li l-​indirizz tiegħu ma jkunx imniżżel fl-​aħħar paġna tal-​aħħar Yearbook, jekk jogħġbok ikkuntattja l-​uffiċċju tal-​fergħa tiegħek biex tkun ċert liema prekawzjonijiet jew istruzzjonijiet speċjali għandhom mnejn iridu jiġu segwiti. Ix-​xogħol tas-​Saltna f’dak il-​pajjiż jistaʼ jkollu ċerti restrizzjonijiet. (Mt. 10:16) F’xi pajjiżi jistaʼ ma jkunx għaqli li l-​viżitaturi jikkuntattjaw lix-​Xhieda jew lill-​kongregazzjonijiet lokali. Direzzjoni oħra tistaʼ tingħatalek dwar għoti taʼ xhieda informali jew dwar li ġġorr provvisti taʼ letteratura. Il-​kooperazzjoni tiegħek mad-​direzzjoni provduta se tevita problemi bla bżonn għalik jew għax-​xogħol tas-​Saltna.—1 Kor. 14:33, 40.