Avviżi

◼ Offerta taʼ letteratura għal Jannar: Il-Bibbja X’Tgħallem Verament? Jekk l-inkwilini diġà għandhom il-ktieb, il-pubblikaturi jistgħu joffru kwalunkwe ktieb taʼ 192 paġna li hu stampat fuq karta li titlef il-kulur jew kwalunkwe ktieb pubblikat qabel l-1995. Frar: Offri l-ktieb Is-Sigriet taʼ l-Hena fil-Familja. Marzu: Il-Bibbja X’Tgħallem Verament? Il-pubblikaturi għandhom ikollhom f’moħħhom li jibdew studju tal-Bibbja fejn ikunu ħallew dan il-ktieb jew meta l-inkwilini diġà jkollhom kopja tiegħu fid-dar. April: Ir-rivisti Torri tal-Għassa u Stenbaħ! Meta terġaʼ żżur lil nies interessati, inkluż dawk li jattendu t-Tifkira jew xi attivitajiet teokratiċi oħrajn iżda li mhumiex jissieħbu b’mod attiv mal-kongregazzjoni, stinka biex tħallilhom il-ktieb Il-Bibbja X’Tgħallem Verament? Il-mira għandha tkun li jinbeda studju tal-Bibbja.

◼ B’seħħ minn Frar, it-taħdita pubblika l-ġdida li se tingħata mill-indokraturi tas-circuit se tkun intitolata “Dak li Qed Tagħmel is-Saltna t’Alla Għalina Llum.”