Avviżi

◼ Offerta tal-​letteratura għal Marzu: Il-​Bibbja X’Tgħallem Verament? Agħmel ħiltek biex tibda studji tal-​Bibbja. April u Mejju: Ir-​rivisti It-​Torri tal-​Għassa u Stenbaħ! Meta terġaʼ żżur lil nies interessati, inkluż dawk li attendew it-​Tifkira jew xi attivitajiet teokratiċi oħrajn iżda li mhumiex jissieħbu b’mod attiv mal-​kongregazzjoni, ikkonċentra fuq li tibda studji bil-​ktieb Il-​Bibbja X’Tgħallem? Ġunju: Il-​Bibbja X’Tgħallem Verament? Stinka biex tibda studju tal-​Bibbja fl-​ewwel żjara. Jekk l-​inkwilini jkollhom il-​ktieb diġà u ma jaċċettawx studju tal-​Bibbja, il-​pubblikaturi jistgħu joffru pubblikazzjoni iktar antika jew kwalunkwe browxer li jittratta dwar l-​interessi tal-​persuna.

◼ Meta tkun qed tagħti xhieda lil xi ħadd li jitkellem biċ-​Ċiniż, urih il-​paġni fil-​ktejjeb Good News for People of All Nations fejn jidhru ċ-​Ċiniż (Tradizzjonali) (CH) u ċ-​Ċiniż (Simplifikat) (CHS), sabiex jara x’jippreferi jaqra. Bħala regola ġenerali, nies minn Ħong Kong jew mit-​Tajwan jippreferu jaqraw letteratura biċ-​Ċiniż (Tradizzjonali) (CH), filwaqt li dawk miċ-​Ċina s-​soltu jippreferu ċ-​Ċiniż (Simplifikat) (CHS). Imma rigward il-​pubblikazzjonijiet bil-​vidjo jew bl-​awdjokasett, qis liema djalett jitkellem u jifhem l-​aħjar l-​inkwilin. Ġeneralment, in-​nies kemm miċ-​Ċina kif ukoll mit-​Tjawan jifhmu ċ-​Ċiniż (Mandarin) (CHM), filwaqt li dawk minn Ħong Kong jifhmu ċ-​Ċiniż (Cantonese) (CHC).

◼ Il-​programm tal-​vidjo Jehovah’s Witnesses—Organized to Share the Good News (Ix-​Xhieda taʼ Ġeħova—Organizzati Biex Jaqsmu l-​Aħbar Tajba m’Oħrajn) se jiġi kunsidrat f’Laqgħa tas-​Servizz f’Awwissu. Jekk ikun hemm bżonn taʼ kopji tad-​DVD, għandhom jiġu ordnati permezz tal-​kongregazzjoni kemm jistaʼ jkun malajr.