Avviżi

◼ Offerta tal-​letteratura għal Settembru u Ottubru: Ir-​rivisti It-​Torri tal-​Għassa u Stenbaħ! Novembru u Diċembru: Il-​Bibbja X’Tgħallem Verament? jew wieħed mill-​fuljetti li ġejjin: Jistgħu l-​mejtin verament jerġgħu jgħixu? (T-​35) jew It-​tbatija qatt se tintemm? (T-​34).

◼ It-​taħdita pubblika speċjali għall-​istaġun tat-​Tifkira tal-​2015 se tingħata matul il-​ġimgħa li tibda fis-​6 tʼApril. It-​tema tat-​taħdita se titħabbar iktar tard. Dawk il-​kongregazzjonijiet li jkollhom iż-​żjara tal-​indokratur li jżur il-​kongregazzjonijiet, jew xi assemblea fi tmiem dik il-​ġimgħa, ikollhom it-​taħdita speċjali l-​ġimgħa taʼ wara. It-​taħdita m’għandha tingħata f’ebda kongregazzjoni qabel is-​6 tʼApril.

◼ B’seħħ minn Settembru, l-​indokraturi li jżuru l-​kongregazzjonijiet se jagħtu t-​taħdita pubblika bit-​titlu “Kif l-​għerf divin huwa taʼ ġid għalina.”