Kondotta safja u rispett profond jirbħu l-qlub

Il-​kondotta tajba taʼ nisa li jsiru Kristjani spiss tkun ir-​raġuni għala l-​irġiel tagħhom jaċċettaw il-​verità. Madankollu, jistaʼ jkun hemm bżonn li n-​nisa jissaportu żminijiet diffiċli għal ħafna snin. (1Pt 2:21-​23; 3:1, 2) Jekk int qed tbati b’mod inġust, kompli irbaħ il-​ħażin bit-​tajjeb. (Rum 12:21) Forsi r-​raġel tiegħek ma jkunx irid jismaʼ meta tkellmu dwar Ġeħova, imma meta jara l-​eżempju tajjeb tiegħek jistaʼ jibdel fehmtu dwar il-​verità.

Ipprova ara l-​affarijiet mill-​ħarsa tar-​raġel tiegħek. (Flp 2:3, 4) Uri empatija u mogħdrija, u agħmel l-​almu tiegħek biex twettaq ir-​responsabbiltajiet tiegħek bir-​rispett. Kun semmiegħa tajba. (Ġk 1:19) Kun paċenzjuża, u assigura lir-​raġel tiegħek li tħobbu. Anke jekk hu qatt ma juri l-​istess ħlewwa jew rispett, tistaʼ tkun ċerta li Ġeħova japprezza li tibqaʼ leali.—1Pt 2:19, 20.

ARA L-​VIDJOW ĠEĦOVA JSAĦĦAĦNA SABIEX INĠORRU T-​TAGĦBIJA TAGĦNA, U MBAGĦAD WIEĠEB IL-​MISTOQSIJIET LI ĠEJJIN:

• Il-​ħajja kif kienet għal Grace Li fil-​bidu taż-​żwieġ tagħha?

• X’ġibidha lejn il-​verità tal-​Bibbja?

• Oħtna Li kif issaportiet id-​diffikultajiet wara li tgħammdet?

• X’kienet it-​talba taʼ oħtna Li rigward ir-​raġel tagħha?

• Oħtna Li x’barkiet gawdiet minħabba l-​kondotta safja u r-​rispett profond tagħha?