Se Jkun Għada Aħjar mil-​Lum?

Il-​futur hu suġġett li jqajjem ħafna interess. Min minna ma jixtieqx ikun jaf x’se nkunu qed nagħmlu x-​xahar id-​dieħel, is-​sena d-​dieħla, jew saħansitra għaxar snin oħra? Fuq skala akbar, id-​dinja kif se tkun 10, 20, jew 30 sena oħra?

GĦANDEK int ħarsa ottimista lejn il-​futur? Miljuni taʼ nies għandhom, u dawn jistgħu jitqassmu f’żewġ gruppi: dawk li jgħidu li għandhom raġunijiet validi għala jemmnu li l-​affarijiet se jmorru għall-​aħjar u dawk li jżommu ħarsa pożittiva sempliċement minħabba li l-​alternattivi huma dipressanti wisq biex jikkunsidrawhom.

M’għandniex xi ngħidu, xi wħud ma jaraw ebda futur sabiħ fil-​ġejjieni. Fosthom hemm dawk li jħabbru diżastru u li donnhom jitgħaxxqu jannunzjaw il-​qerda kompleta tal-​pjaneta Art. Skond il-​ħarsa tagħhom lejn il-​futur, ftit se jkunu dawk li jsalvaw, jekk ikun hemm min isalva wara kollox.

Int x’ħarsa għandek lejn il-​futur? Tara futur diżastruż taʼ mewt u qerda jew wieħed taʼ paċi u sigurtà? Jekk qed tistenna din taʼ l-​aħħar, it-​tama tiegħek fuq xiex inhi bbażata​—fuq ix-​xewqa tiegħek jew fuq evidenza konkreta?

Għall-kuntrarju taʼ dawk li jħabbru l-​qerda, il-​pubblikaturi taʼ Stenbaħ! ma jemmnux li l-​umanità se tispiċċa minn fuq wiċċ l-​art. Anzi, il-​Bibbja tagħtina raġuni valida biex nemmnu li l-​aħjar żminijiet għadhom ġejjin.

[Sors taʼ l-​Istampa f’paġna 5]

U.S. Department of Energy photograph