Għanja 1

“Ruħi Tbierek lil Jehovah”

(Salm 103)

1. Ruħi tbierek lil Jehovah;

Xufftejja jfaħħru ’l ismu qaddis

Hu li jaħfer id-​dnub tagħna,

Waqt li jwissina kontra t-​tnassis.

Qajl biex jagħdab u mimli ħniena,

Dak li jagħmel kollu għall-​ġid.

Kulmin jibżaʼ minn Jehovah,

Ir-​rieda tiegħu jagħmel irid.

2. Bħal mis-​sier Hu juri ħniena,

Għax Hu jaf sew li jiena biss trab.

Bħal ħaxixa ġewwa għalqa

Kieku nispiċċa w qatt ma ninstab.

Int Jehovah kollok imħabba

Lejn dawk kollha li fis jobduk.

Billi nobdu l-​kmandi tiegħek,

Nuruk li aħna veru nħobbuk.

3. Għax Jehovah stabbilixxa

Ġewwa s-​smewwiet tron kbir u glorjuż,

F’din il-​ħakma kbira tiegħu

Juri li huwa ferm ġeneruż.

Lil Jehovah l-​anġli tas-​sema

Iberkuh għax kbir u setgħan.

Lil Jehovah ruħi tbierek

Għax hu Jehovah il-​kbir Sultan.