Għanja 159

Il-​Pussess Tagħna taʼ Sliem

(Ġwann 14:27)

1. L-​ħżiena m’għandhom ebda sliem,

Ħadd minn tax-​Xitan;

Kollhom imkabbrin fil-​kliem,

Suppervi w bla għan,

Sliem b’Ġesù jiġi minn fuq,

Minn sors ferm divin,

Għal min b’fidi ’l Alla jduq

U jħobb lill-​bnedmin.

2. Lil Jehovah infaħħruh

Għax Alla tas-​sliem;

Hu se jagħmel l-​art itfuħ,

Gwerra jġib fi tmiem.

Prinċep tas-​sliem hu Ġesù,

Ħabib tal-​ġwejdin.

Mill-​ġlied lilhom jeħles hu,

Jagħmilhom henjin.

3. Minn iljun sirna ħaruf,

Bdilna l-​mogħdijiet;

Biddilna l-​lanez u s-​sjuf

F’sikek tal-​moħriet.

Biex il-​paċi jkollna lkoll,

Naħfru dlonk ejjew,

Waqt li b’żelu nagħmlu x-​xogħ’l

U qatt ma ngħejjew.

4. Biex frott t’Alla jkun mil-​ħuq

Rridu sliem fil-​qalb,

Prova li għandn’ għerf minn fuq,

Li niksbuh bit-​talb.

Triqitna nirrikkmandaw

Billi nagħmlu s-​sliem,

Sakemm dak il-​jum naraw

Li jġib ferħ dejjiem.