Lezzjoni Nru. 1

Kif Tistaʼ Tiskopri X’Jirrikjedi Alla

Il-​Bibbja fiha liema informazzjoni importanti? (1)

Min hu l-​awtur tal-​Bibbja? (2)

Għala għandek tistudja l-​Bibbja? (3)

1. Il-​Bibbja hija rigal prezzjuż mingħand Alla. Hija bħal ittra mingħand missier taʼ mħabba lil uliedu. Tgħidilna l-​verità dwar Alla—min hu u x’inhuma l-​livelli tiegħu. Tispjega kif għandek tkampa mal-​problemi u kif għandek issib kuntentizza vera. Il-​Bibbja waħedha tgħidilna x’irridu nagħmlu biex nogħġbu ’l Alla.—Salm 1:1-3; Isaija 48:17, 18.

2. Il-​Bibbja nkitbet minn xi 40 raġel differenti matul perijodu taʼ 1,600 sena, li beda fl-​1513 Q.E.K. Hija magħmula minn 66 kotba żgħar. Dawk li kitbu l-​Bibbja kienu mnebbħin minn Alla. Kitbu l-​ħsibijiet tiegħu, mhux tagħhom stess. Għalhekk, hu Alla fis-​sema, u mhux xi bniedem fuq l-​art, li hu l-​Awtur tal-​Bibbja.—2 Timotju 3:16, 17; 2 Pietru 1:20, 21.

3. Alla ħa ħsieb biex il-​Bibbja tkun ikkopjata eżatt u ppreservata. Ġew stampati iktar Bibbji minn kwalunkwe ktieb ieħor. Mhux kulħadd se jkun ferħan li jarak tistudja l-​Bibbja, imma tħallix dan iwaqqfek. Il-​futur etern tiegħek jiddependi fuq li ssir taf ’l Alla u tagħmel ir-​rieda tiegħu minkejja kull oppożizzjoni.—Mattew 5:10-12; Ġwann 17:3.