Uri l-Imħabba Tiegħek Lejn Alla

Biex iżżomm ħabib, trid titkellem miegħu. Int tagħtih widen, u hu jagħti widen lilek. Int tgħid ukoll affarijiet tajbin dwar il-​ħabib tiegħek m’oħrajn. Hija l-​istess ħaġa li tkun ħabib t’Alla. Ikkunsidra x’tgħid il-​Bibbja dwar dan:

Tkellem ma’ Jehovah regolarment fit-​talb. “Itolbu bla waqfien.”—Rumani 12:12.

Aqra l-​Kelma t’Alla, il-​Bibbja. “L-​Iskrittura kollha hija mnebbħa minn Alla, u tiswa biex wieħed jgħallem, iċanfar, iwiddeb.”—2 Timotju 3:16.

Għallem lil oħrajn dwar Alla. “Morru, mela, agħmlu dixxipli mill-​ġnus kollha . . . u għallmuhom iħarsu dak kollu li ordnajtilkom jien.”—Mattew 28:19, 20.

Ersaq qrib il-​ħbieb t’Alla. “Min jagħmilha ma’ l-​għaref, isir għaref.”—Proverbji 13:20.

Attendi għal-​laqgħat fis-​Sala tas-​Saltna. “Naraw kif nistgħu nħajjru lil xulxin għall-​imħabba u għall-​għemil tajjeb. . . . Agħmlu l-​qalb lil xulxin.”—Lhud 10:24, 25.

Għin fl-​appoġġ tax-​xogħol tas-​Saltna. “Kull wieħed għandu jagħti skond ma jidhirlu hu minn rajh, mhux fuq il-​qalb jew bilfors; għax Alla jħobb lil min jagħti bil-​ferħ.”—2 Korintin 9:7.