Kif Kienet il-​Ħajja fil-​Ġenna tal-​Art?

Lil Adam u Eva, Ġeħova tahom ħafna affarijiet tajbin. Ġenesi 1:28

Ġeħova ħalaq lill-​ewwel mara, Eva, u taha lil Adam biex tkun martu.—Ġenesi 2:21, 22.

Ġeħova ħalaqhom b’moħħ u b’ġisem perfett, mingħajr ebda difett.

Id-​dar tagħhom kienet il-​ġnien tal-​Għeden—post tassew mill-​isbaħ bi xmara, siġar tal-​frott, u annimali.

Ġeħova kellimhom u għallimhom. Kieku semgħu minnu kienu jgħixu għal dejjem f’Ġenna tal-​art.

Alla qalilhom biex ma jiklux minn waħda mis-​siġar. Ġenesi 2:16, 17

Wieħed mill-​anġli rribella kontra Alla. Dan l-​anġlu mill-​agħar huwa Satana x-​Xitan.

Lil Adam u Eva, Ġeħova wriehom siġra tal-​frott fil-​ġnien u qalilhom li jekk jieklu minnha jmutu.

Satana ma riedx li Adam u Eva jobdu lil Ġeħova. Għalhekk, hu uża serp biex jgħid lil Eva li jekk tiekol mill-​frott taʼ dik is-​siġra ma kinitx se tmut, imma kienet se tkun bħal Alla. M’għandniex xi ngħidu, din kienet gidba.​—Ġenesi 3:1-​5.