Hija l-​Bibbja Tassew Għotja Mingħand Alla?

“JIENA nemmen li l-​Bibbja hija l-​aqwa għotja qatt ta lill-​bniedem.” Dik l-​istqarrija saret minn Abraham Lincoln, is-​16-il president tal-​Istati Uniti.a Hu ma kienx waħdu fl-​apprezzament tiegħu lejn dan il-​ktieb tant antik.

L-istatista Britanniku tad-​19-il seklu William E. Gladstone stqarr: “Il-​Bibbja hija ttimbrata bi Speċjalità taʼ Oriġini, u distanza bla qies tisseparaha mill-​kompetituri kollha.” Fi kważi l-​istess linji taʼ ħsieb, l-​istatista Amerikan tat-​18-il seklu Patrick Henry qal: “Il-​Bibbja tiswa daqs il-​kotba l-​oħra kollha li qatt ġew stampati.” Impressjonat b’mod ovvju mill-​Iskrittura, l-​imperatur Franċiż Napuljun Bonaparte kkummenta: “Il-​Bibbja m’hijiex sempliċi ktieb, imma Ħlejqa Ħajja, b’qawwa li tikkonkwista lil dawk kollha li jopponuha.”

Għal xi wħud, il-​Bibbja kienet sors taʼ għajnuna u faraġ. Il-​Konfederat ġenerali Amerikan Robert E. Lee stqarr: “Fil-​kumplikazzjonijiet u n-​niket tiegħi kollha, il-​Bibbja qatt ma naqset li tagħtini d-​dawl u s-​saħħa.” U minħabba l-​apprezzament tiegħu lejn dan il-​ktieb, il-​president tal-​Istati Uniti John Quincy Adams: “Jien għamiltha drawwa għal ħafna snin li naqra l-​Bibbja kollha darba fis-​sena.”

Jekk l-​Iktar Għoli ta l-​Bibbja lill-​umanità, għandu jkun hemm evidenza li hija spirat b’mod divin. Għandha tkun akbar minn kwalunkwe ktieb ieħor. U biex il-​Bibbja tkun sors veru taʼ saħħa u istruzzjoni, trid tkun kompletament taʼ min joqgħod fuqha. Mela, allura, tibqaʼ l-​mistoqsija, Hija l-​Bibbja tassew għotja mingħand Alla? Ejjew issa nfittxu t-​tweġiba għal din il-​mistoqsija.

[Nota taʼ taħt]