Laqgħa Annwali fit-​2 t’Ottubru, 1999

IL-​LAQGĦA ANNWALi tal-​membri tal-​Watch Tower Bible and Tract Society of Pennsylvania se ssir fit-​2 t’Ottubru, 1999, fis-​Sala taʼ l-​Assemblea tax-​Xhieda taʼ Jehovah, 2932 Kennedy Boulevard, Jersey City, New Jersey. Laqgħa preliminari li hija biss għal dawk li huma membri se tinżamm fid-​9:15 a.m., segwita mil-​laqgħa annwali ġenerali fl-​10:00 a.m.

Il-membri tal-​Korporazzjoni għandhom jinformaw lill-​Uffiċċju tas-​Segretarju issa rigward xi tibdil li sar matul is-​sena li għaddiet fl-​indirizzi postali tagħhom ħalli b’hekk l-​ittri regulari taʼ l-​avviżi u l-​prokuri jistgħu jaslulhom matul Lulju.

Il-prokuri, li se jintbagħtu lill-​membri flimkien maʼ l-​avviż tal-​laqgħa annwali, għandhom jintbagħtu lura biex jaslu fl-​Uffiċċju tas-​Segretarju tas-​Soċjetà mhux iktar tard mill-​1 t’Awissu. Kull membru għandu jimla u jibgħat lura l-​prokura tiegħu minnufih, u jiddikjara jekk hux se jkun preżenti personalment għal-​laqgħa jew le. It-​tagħrif mogħti f’kull prokura għandu jkun definit fuq dan il-​punt, ladarba se nistrieħu fuqu biex niddeterminaw min se jkun preżenti personalment.

Huwa mistenni li s-​sessjoni kollha, inkluż il-​laqgħa taʼ l-​affarijiet formali u r-​rapporti, se tkun intemmet sas-​1.00 p.m. jew xi ftit wara. Mhux se jkun hemm sessjoni taʼ wara nofsinhar. Minħabba l-​ispazju limitat, id-​dħul se jkun biss permezz tal-​biljett. L-​ebda arranġament ma se jsir biex il-​laqgħa annwali tiġi konnessa m’awditorji oħrajn permezz tal-​linji tat-​telefon.