SUĠĠETT PRINĊIPALI | TIXTIEQ TISTUDJA L-BIBBJA?

Programm ta’ studju tal-Bibbja għal kulħadd

Ix-Xhieda taʼ Ġeħova huma magħrufin sew għall-ippritkar pubbliku tagħhom. Imma kont taf li nikkonduċu programm taʼ studju tal-Bibbja globali wkoll?

Raġel qed jieħu studju tal-Bibbja fuq il-post tax-xogħol tiegħu

Fl-2014, iktar minn 8,000,000 Xhud f’240 pajjiż ikkonduċew kważi 9,500,000 studju tal-Bibbja kull xahar.a Tabilħaqq, in-numru taʼ nies li jistudjaw il-Bibbja magħna jaqbeż il-popolazzjoni individwali taʼ xi 140 pajjiż!

Biex jagħmlu dan ix-xogħol edukattiv, ix-Xhieda taʼ Ġeħova jippubblikaw kważi biljun u nofs Bibbja, ktieb, rivista, u għajnuna oħra għall-istudju tal-Bibbja kull sena—b’xi 700 lingwa! Dan l-isforz taʼ stampar bla paragun jippermetti lin-nies jistudjaw il-Bibbja bil-lingwa tal-għażla tagħhom.

“Qatt ma ħadt pjaċir nistudja l-iskola, imma dan l-istudju ħadt pjaċir bih. U l-affarijiet li tgħallimt kienu tant taʼ faraġ!”—Katlego, l-Afrika t’Isfel.

“Il-kors kopra l-mistoqsijiet kollha li kelli u ħafna iżjed.”—Bertha, il-Messiku.

“L-istudju tal-Bibbja sar id-dar tiegħi f’ħin li kien tajjeb għalija. Xi stajt nitlob iktar!”—Eziquiel, il-Brażil.

“Il-lezzjonijiet kultant kienu taʼ kwarta jew nofsiegħa—drabi oħra itwal—kif kien konvenjenti għalija.”—Viniana, l-Awstralja.

“Il-kors kien b’xejn—inkredibbli!”—Aimé, il-Benin.

“L-għalliema tiegħi tal-Bibbja kienet paċenzjuża u qalbha tajba ħafna. Żviluppajna rabta soda bejnietna.”—Karen, l-Irlanda taʼ Fuq.

“Ħafna nies jistudjaw il-Bibbja mingħajr ma jsiru Xhieda.”—Denton, l-Ingilterra.

TWEĠIBIET GĦAL MISTOQSIJIET LI SPISS JIĠU MISTOQSIJIN DWAR IL-PROGRAMM TAGĦNA TAʼ STUDJU TAL-BIBBJA

Kif isir il-kors tal-istudju?

Naqbdu diversi suġġetti Bibliċi u neżaminaw versi Bibliċi li jkollhom x’jaqsmu maʼ dawk is-suġġetti. Pereżempju, il-Bibbja twieġeb mistoqsijiet bħal dawn: Min hu Alla? X’inhi l-personalità tiegħu? Għandu isem? Fejn jgħix? Nistgħu nersqu qrib lejh? L-isfida hi li nkunu nafu fejn għandna nfittxu fil-Bibbja għat-tweġibiet.

Biex ngħinu lin-nies isibu t-tweġibiet, normalment nużaw il-ktieb taʼ 224 paġna, Il-Bibbja X’Tgħallem Verament?b Dan il-ktieb ġie disinjat speċifikament biex jgħin lin-nies jifhmu t-tagħlim bażiku tal-Bibbja. Jinkludi lezzjonijiet dwar Alla, Ġesù Kristu, it-tbatija tal-bniedem, l-irxoxt, it-talb, u ħafna iżjed suġġetti.

Meta u fejn jistaʼ jsir l-istudju?

L-istudju jistaʼ jsir f’ħin u f’post konvenjenti għalik.

Kemm idumu s-sessjonijiet taʼ studju?

Ħafna nies iħallu bejn wieħed u ieħor siegħa fil-ġimgħa biex jistudjaw il-Bibbja. Imma t-tul tal-istudju hu flessibbli. Nadattawh biex jidħol fl-iskeda tiegħek. Xi wħud jistudjaw għal 10 minuti jew kwarta kull ġimgħa.

Kemm jiswa flus il-kors?

Il-kors u l-materjali għall-istudju huma b’xejn. Dan hu fi qbil mal-istruzzjoni li Ġesù ta lid-dixxipli tiegħu: “Irċivejtu b’xejn, agħtu b’xejn.”—Mattew 10:8.

Kemm idum sejjer il-kors?

It-tul tal-kors tal-istudju jiddependi minnek. Il-ktieb Il-Bibbja X’Tgħallem Verament? fih 19-il lezzjoni.Tistaʼ tkopri kwalunkwe waħda jew kollha kemm huma b’pass komdu għalik.

kolli nsir Xhud taʼ Ġeħova?

Le. Bir-rispett nagħrfu li kulħadd għandu d-dritt jagħżel x’jemmen. Madankollu, dawk li jiksbu għarfien bażiku tal-Bibbja jistgħu jagħżlu x’jemmnu għax ikunu informati.

Minn fejn nistaʼ nġib iżjed informazzjoni?

Il-Websajt jw.org/mt tipprovdi informazzjoni korretta dwar it-twemmin u l-attivitajiet tax-Xhieda taʼ Ġeħova.

Kif nistaʼ nitlob studju tal-Bibbja?

Nies jitolbu studju tal-Bibbja b’modi diversi: onlajn, bil-miktub, u permezz taʼ direttorju tat-telefown

Agħmel rikjesta onlajn fuq www.jw.org/mt.
Ikteb fl-eqreb indirizz imniżżel f’paġna tnejn taʼ din ir-rivista.
Ikkuntattja lix-Xhieda taʼ Ġeħova fejn toqgħod int. Tistaʼ tfittex taħt “Xhieda taʼ Ġeħova” f’xi direttorju tat-telefown fl-inħawi tiegħek.

a L-istudji tal-Bibbja ġeneralment isiru maʼ individwi jew gruppi żgħar taʼ nies.

b Pubblikat mix-Xhieda taʼ Ġeħova. Iktar minn 230 miljun kopja taʼ dan il-ktieb ġew stampati b’iżjed minn 260 lingwa.

GĦAJNUNA GĦALL-FAMILJI

“Meta marti bdiet tistudja l-Bibbja, innotajt tibdil sinifikanti fiha. Il-ħajja tal-familja tagħna tjiebet. Billi ġietni l-kurżità dwar xiex kienet qed tistudja, bdejt nistudja jien ukoll. Dak li tgħallimt għamilni persuna aħjar. L-istudju tal-Bibbja ressaq il-familja tagħna flimkien.”—Eziquiel.

“Wara li bdejt nistudja l-Bibbja, qtajt il-vizzju tad-drogi, waqaft nabbuża mill-alkoħol, u tgħallimt nikkontrolla r-rabja tiegħi. Id-dar tiegħi hi iżjed nadifa u organizzata. Napprezza lil familti iżjed u nieħu pjaċir nagħmel affarijiet biex inferraħhom. Ninsab ħafna iktar ferħana.”—Karen.

“Xi nies ikkritikawni talli studjajt il-Bibbja.Imma żewġi appoġġani fid-deċiżjoni tiegħi billi qal: ‘Ma jimpurtanix x’jgħidu n-nies. La qed nara li nbdilt għall-aħjar—dak li jimpurtani. Ibqaʼ agħmel dak li qed tagħmel.’ Il-ħajja tal-familja tagħna qatt ma kienet aħjar!”—Viniana.

TWEĠIBIET GĦAL MISTOQSIJIET LI SPISS JIĠU MISTOQSIJIN DWAR IL-​PROGRAMM TAGĦNA TAʼ STUDJU TAL-​BIBBJA