Membru ġdid tal-Ġemgħa li Tiggverna

L-​ERBGĦA filgħodu, 24 taʼ Jannar 2018, il-​familja Betel tal-​Istati Uniti u tal-​Kanada ħadu pjaċir jisimgħu avviż speċjali li Ħuna Kenneth Cook, Jr., sar membru ġdid tal-​Ġemgħa li Tiggverna tax-​Xhieda taʼ Ġeħova.

Ħuna Cook twieled u trabba f’Pennsylvania, l-​Istati Uniti. Tgħallem il-​verità minn student fl-​iskola tiegħu eżatt qabel ma spiċċa l-​iskola sekondarja u tgħammed fis-​7 taʼ Ġunju 1980. Beda fis-​servizz full-​time bħala pijunier regolari fl-​1 taʼ Settembru 1982. Wara sentejn jaqdi bħala pijunier, hu ġie mistieden Betel, u għalhekk fit-​12 taʼ Ottubru 1984 beda jaqdi fil-​Betel taʼ Wallkill, New York.

Għal dawn l-​aħħar 25 sena, Ħuna Cook qeda f’diversi inkarigi kemm fl-​istamperija kif ukoll fl-​uffiċċju taʼ Betel. Hu żżewweġ lil Jamie fl-​1996, u hi ngħaqdet miegħu fis-​servizz f’Betel ġewwa Wallkill. F’Diċembru 2009, Kenneth u Jamie ġew trasferiti fiċ-​Ċentru Edukattiv tal-​Watchtower, Patterson, New York, fejn hemmhekk Ħuna Cook kien jaħdem mad-​Dipartiment tal-​Korrispondenza bil-​Kitba. F’April 2016, wara li ntbagħtu lura għal żmien qasir f’Wallkill, Ħuna u Oħtna Cook intbagħtu Brooklyn, New York. Ħames xhur wara, marru joqogħdu fil-​kwartieri ġenerali f’Warwick, New York. U f’Jannar 2017, Ħuna Cook ġie inkarigat bħala ajjutant tal-​Kumitat tal-​Kitba tal-​Ġemgħa li Tiggverna.