X’Inhuma L-​Pjanijiet Tiegħek Għas-​Sajf?

 Meta niftakru fis-​sajf, jiġi f’moħħna t-​temp sabiħ, arranġamenti biex nattendu xi konvenzjoni distrettwali, u pjanijiet għal vaganza taʼ mistrieħ jew ħarġa pjaċevoli mal-​qraba jew ħbieb. Meta tkunu se tagħmlu l-​pjanijiet tagħkom għas-​sajf, hawn ftit tfakkiriet li jistgħu jgħinukom iżżommu l-​interessi tas-​Saltna fl-​ewwel post:

◼ Għamlu pjanijiet definiti biex tattendu l-​konvenzjoni distrettwali “Messaġġiera Tal-​Paċi Divina,” mit-​13 sal-​15 taʼ Settembru.

◼ Jekk sejrin x’imkien għal vaganza, ippjanaw biex tattendu l-​laqgħat tal-​kongregazzjoni lokali u biex tieħdu sehem fil-​ministeru. Kunu ċerti li titfgħu r-​rapporti tagħkom tas-​servizz taʼ l-​għalqa; jekk hemm bżonn, ibagħtuhom lis-​segretarju tal-​kongregazzjoni tagħkom bil-​posta.

◼ Ħarġa mal-​qraba li m’humiex fil-​verità tistaʼ tagħtikom opportunità li tagħtu xiehda informali produttiva. Kunu ċerti li tieħdu l-​Bibbja tagħkom u provista taʼ letteratura.

◼ Ħsibtu dwar li tgħinu biex jinħadem territorju f’Għawdex li rari jsir? Tkellmu maʼ l-​anzjani dwar din il-​possibiltà.

◼ Il-​vaganzi taʼ l-​iskola jipprovdu opportunità eċċellenti għaż-​żgħażagħ biex jespandu l-​attività taʼ servizz tagħhom. Żgħażagħ, tistgħu tinkitbu bħala pijunieri awżiljarji?

◼ B’temp sabiħ u b’sigħat taʼ dawl tal-​ġurnata itwal, għandkom issibu li tistgħu tiksbu riżultati eċċellenti fis-​servizz billi tagħmlu iktar għoti taʼ xiehda fil-​għaxija, meta ħafna nies ikunu d-​dar.

◼ L-​anzjani għandhom joqogħdu għassa li l-​attivitajiet tal-​kongregazzjoni huma organizzati sew, billi jagħmlu arranġamenti ħalli jkun hemm xi ħadd biex jieħu ħsieb ir-​responsabbiltajiet mogħtijin lil dawk li jkunu msefrin.

 Ftakru li “l-​pjanijiet tal-​wieħed bil-​għaqal żgur li jġibu vantaġġ.” (Prov. 21:5) Ippjanaw biex tieħdu kemm tistgħu mill-​opportunitajiet teokratiċi fiż-​żmien tas-​sajf.