Aħbar Tajba Minn Fuq L-​internet

F’din l-​era teknoloġika tagħna, xi nies jiksbu informazzjoni minn sorsi elettroniċi, inkluż l-​Internet. Għalhekk, is-​Soċjetà poġġiet fuq l-​Internet xi ftit tagħrif eżatt dwar it-​twemmin u l-​attivitajiet tax-​Xhieda taʼ Jehovah.

Il-Web site tagħna fuq l-​Internet għandu l-​indirizz http://www.watchtower.org u fih għażla taʼ fuljetti, brochures, u artikli tat-​Torri Taʼ L-​Għassa u taʼ Stenbaħ! bl-​Ingliż, biċ-​Ċiniż (Simplifikat), bil-​Ġermaniż, bl-​Ispanjol, u bir-​Russu, kif ukoll b’lingwi oħrajn. Il-​pubblikazzjonijiet f’dan il-​Web site huma diġà disponibbli fil-​kongregazzjonijiet u jintużaw fil-​ministeru. L-​iskop tal-​Web site tagħna huwa, mhux li noħorġu pubblikazzjonijiet ġodda, imma li jkun hemm tagħrif disponibbli għall-​pubbliku f’forma elettronika. M’hemmx għalfejn li xi individwu jħejji paġni fuq l-​Internet dwar ix-​Xhieda taʼ Jehovah, l-​attivitajiet tagħna, jew it-​twemmin tagħna. Is-​site uffiċjali tagħna jippreżenta tagħrif eżatt għal kulmin jixtiequ.

Għalkemm fis-​site tagħna m’huwiex possibbli li wieħed jibgħat messaġġi elettroniċi (E-mail), dan fih lista taʼ indirizzi postali taʼ fergħat madwar il-​globu. B’hekk, in-​nies jistgħu jiktbu biex jiksbu iktar tagħrif jew biex jirċievu għajnuna persunali mix-​Xhieda tal-​lokal. Jekk trid tistaʼ tagħti l-​indirizz taʼ l-​Internet t’hawn fuq lil kulmin juri x-​xewqa li jibda jitgħallem il-​verità Biblika b’dan il-​mod.